ആലപ്പുഴ: കൊവിഡുമായി ബന്ധപ്പെട്ട് ജില്ലയിൽ ഇപ്പോൾ നിരീക്ഷണത്തിലുള്ളത് 5127 പേർ. 60 പേരാണ് ആശുപത്രിയിൽ നിരീക്ഷണത്തിലുള്ളത്. ആലപ്പുഴ മെഡിക്കൽ കോളേജ് ആശുപത്രിയിൽ 45 ഉം ഹരിപ്പാട് താലൂക്ക് ആശുപത്രിയിൽ 14ഉം കായംകുളം ഗവ. ആശുപത്രിയിൽ ഒരാളുമുണ്ട്. ഹോം ക്വാറന്റൈനിൽ നിന്ന് 246 പേരെ ഒഴിവാക്കിയപ്പോൾ 245 പേർ ഇന്നലെ പുതുതായി എത്തി. ഫലമറിഞ്ഞ 3262 സാമ്പിളുകളിൽ 51 എണ്ണം ഒഴികെ മറ്റെല്ലാം നെഗറ്റീവാണ്.