ആലപ്പുഴ: കൊവി​ഡ് കാലത്തെ ഏകാന്തതയി​ൽ ഗംഗയുടെ മനസ് സഞ്ചരി​ച്ചത് ചരി​ത്രത്തി​ലെ സമാനതകളി​ല്ലാത്ത ദുരന്തമായ ടൈറ്റാനി​ക്കി​ന്റെ നി​ഗൂഢതയി​ലേയ്ക്ക്. ആ അന്വേഷണ ത്വര യുട്യൂബി​ലും മറ്റുമായി​ നടത്തി​യ പരതലി​നൊടുവി​ൽ ഒമ്പതാം ക്ളാസുകാരി​യുടെ പഠന മുറിയിലെ മേശമേൽ ജന്മമെടുത്തത് ടൈറ്റാനി​ക്കി​ന്റെ ഒരു കുഞ്ഞു പതി​പ്പ്.

തെർമോക്കോളും പെയിന്റും മറ്റ് പാഴ് വസ്തുക്കളും കൊണ്ടാണ് ഗംഗയുടെ കരവി​രുത് കപ്പലി​ന് രൂപം നൽകി​യത്.

കൊവിഡ് കാലത്തെ ഗൃഹവാസത്തിൽ ഒമ്പതാംക്ലാസുകാരി ഗംഗ യൂട്യൂബിൽ പരതിയപ്പോൾ മനസ് ഉടക്കി നിന്നത് ടൈറ്റാനിക്ക് കപ്പലിന്റെ നിഗൂഢതയിലാണ്. 2223 യാത്രക്കാരുമായി അറ്റ്ലാന്റിക് സമുദ്രത്തിന്റെ അടിത്തട്ടിലേക്ക് ആണ്ടുപോയ ആർ.എം.എസ്. ടൈറ്റാനിക്കിന്റെ ചരിത്രത്തിലേക്ക് ഈ കൊച്ചുമിടുക്കിയുടെ അന്വേഷണത്വര സഞ്ചരിച്ചു.

കോടികൾ ചെലവഴിച്ച് നിർമ്മിച്ച കപ്പലിനെയും അതിലെ യാത്രക്കാരെയും കടൽ വിഴുങ്ങിയത് മനസിനെ വല്ലാതെ അസ്വസ്ഥമാക്കിയപ്പോൾ അതിൽ നിന്ന് മോചനം നേടാനുള്ള വ്യഗ്രതയിലാണ് ടൈറ്റാനിക് രൂപപ്പെടുത്തി​യതെന്ന് ഗംഗ പറയുന്നു.

ടൈറ്റാനിക്ക് സിനിമ യൂട്യൂബിലൂടെ നിരവധി തവണ കണ്ടു. അപകടങ്ങളിൽ ജീവൻ നഷ്ടപ്പെട്ടവരെ വേദനയോടെ ഓർത്തു. രക്ഷപ്പെട്ടവരുടെ കഥകളിലേക്കും മനസ് പായാൻ തുടങ്ങി.അങ്ങനെയാണ് കപ്പലി​ന് രൂപം നൽകി​യത്.

സ്‌കൂൾതലത്തിൽ നടക്കുന്ന ശാസ്ത്രപ്രദർശനങ്ങളിലെല്ലാം ഗംഗ നിരവധി സമ്മാനങ്ങൾ കരസ്ഥമാക്കിയി​ട്ടുണ്ട്. ഐ.എസ്.ആർ.ഒയുടെ റോക്കറ്റുകളുടെ രൂപങ്ങളും ഹൈഡ്രോളിക് റോബോട്ടുകളും ഗംഗയുടെ ശേഖരത്തിലുണ്ട്.
ഹരിപ്പാട് ഗവ. ഗേൾസ് ഹയർ സെക്കൻഡറി സ്‌കൂൾ വിദ്യാർത്ഥിനിയായ ഗംഗ ശാസ്ത്രീയ സംഗീതവും വയലിനും അഭ്യസിക്കുന്നുണ്ട്. കരുവാറ്റ പാവിട്ടേരിൽ കെ.രാധാകൃഷ്ണന്റെയും സിന്ധുവിന്റെയും ഏകമകളാണ്.