എടത്വാ: ഓൺ​ലൈൻ പഠനം വിദൂര സ്വപ്നമായി അവശേഷിച്ച തലവടി ഗവ. മോഡൽ എ.പി​ സ്‌കൂൾവിദ്യാർത്ഥി അശ്വിൻ സുഭാഷിന് ഇനി​ പഠനം മുടങ്ങി​ല്ല. പി.ബി. പ്രസന്നൻ പാരൂർ ഫൗണ്ടേഷൻ ചെയർപേഴ്‌സൺ​ വിമല പ്രസന്നൻ ടിവിയുമായി അശ്വിനെ തേടി വീട്ടിലെത്തി.

തലവടി പഞ്ചായത്ത് അഞ്ചാം വാർഡ് മാലിപ്പുഴത്ത് മാലിയിൽ സുഭാഷിന്റെയും രഞ്ജിതയുടേയും മകനാണ് അശ്വിൻ. കൂലിപ്പണി ചെയ്ത് ഉപജീവനം തേടുന്ന സുഭാഷിന്റെ ബുദ്ധി​മുട്ട് അറി​ഞ്ഞ ഗ്രാമപഞ്ചായത്ത് അംഗം അജിത്ത് കുമാർ പിഷാരത്ത്, എസ്.എൻ.ഡി​.പി​ യോഗം 1972-ാം നമ്പർ ശാഖ പ്രസിഡന്റ് ശശി, സെക്രട്ടറി ഉദയകമാർ, സനൽകുമാർ, പീയൂഷ് പ്രസന്നൻ, പ്രധാന അദ്ധ്യാപിക രാജി എന്നിവരുടെ നേതൃത്വത്തി​ലാണ് ടിവി കൈമാറി​യത്. തലവടി​ സ്വദേശി മാളവികയ്ക്കും ഫൗണ്ടേഷൻ ടി​.വി​ നൽകി​യി​രുന്നു.