എടത്വാ: മഴ എത്തിയതോടെ ഗ്രാമീണ റോഡ് കുളമായി. എടത്വാ പഞ്ചായത്ത് ഒമ്പതാം വാർഡിൽ പാണ്ടങ്കരി പൂവക്കാട്-മുളപ്പൻചേരി റോഡാണ് ടാറിംഗ് അടർന്ന് തകർന്നത്. കാൽനട യാത്രക്കാർക്കോ ഇരുചക്രവാഹനങ്ങൾക്കോ പോലും കടന്നുപോകാൻ പറ്റാത്ത അവസ്ഥയാണ്. പാണ്ടകരി കത്തോലിക്ക പള്ളി, മർത്തോമ പള്ളി, കെച്ചുശാസ്താ ക്ഷേത്രം, പാലപ്പറമ്പ് കോളനി എന്നീ സ്ഥലങ്ങളിലേക്ക് എത്താൻ യാത്രക്കാർ പ്രധാനമായി ആശ്രയിക്കുന്ന റോഡാണി​ത്. പ്രളയശേഷം തകർന്ന റോഡ് പുന: സ്ഥാപിക്കാൻ പലതവണ ആവശ്യപ്പെട്ടെങ്കിലും ജനപ്രതിനിധികൾ തിരിഞ്ഞ് നോക്കിയില്ല. ഇനി ഒരുവെള്ളപ്പൊക്കം താങ്ങാനാവാതെ റോഡ് പൂർണ തകർച്ചയിൽ എത്താൻ സാദ്ധ്യതയുണ്ടെന്ന് നാട്ടുകാർ പറഞ്ഞു.

പാണ്ടങ്കരി പൂവക്കാട്-മുളപ്പൻചേരി റോഡി​ന്റെ സ്ഥി​തി​ ദയനീയമാണ്. പൂർണമായും റോഡ് തകരുന്ന നി​ലയി​ലാണ്. വെള്ളപ്പൊക്കത്തിന് മുൻപേ പഞ്ചായത്ത് ഇടപെട്ട് റോഡിന്റെ ശോച്യാവസ്ഥ പരിഹരിക്കണം.

സനിൽകുമാർ

പൊതുപ്രവർത്തകൻ