ചേർത്തല:തിരുനെല്ലൂർ സഹകരണ ബാങ്കിൽ കൊവിഡ് വിദ്യാഭ്യാസ സഹായഹസ്തം വായ്പ പദ്ധതിക്ക് തുടക്കമായി. ഓൺലൈൻ പഠനം നടത്താൻ ലാപ് ടോപ്പും മൊബൈലും ടി.വിയും ആവശ്യമായവർക്കാണ് കുറഞ്ഞ പലിശ നിരക്കി​ൽ ബാങ്ക് വായ്പ അനുവദിച്ച് നൽകുന്നത്.ജില്ലാ പഞ്ചായത്ത് മുൻ പ്രസിഡന്റ് ആർ.നാസർ വായ്പ വിതരണം ഉദ്ഘാടനം ചെയ്തു.ബാങ്ക് പ്രസിഡന്റ് ഡി.വി.വിമൽദേവ് അദ്ധ്യക്ഷനായി.സാന്ത്വനം പാലിയേറ്റീവ് കെയർ ചെയർമാൻ കെ.രാജപ്പൻനായർ,പഞ്ചായത്ത് പ്രസിഡന്റ് പി.ആർ.ഹരിക്കുട്ടൻ,സർക്കിൾ സഹകരണ യൂണിയൻ അംഗം കെ.കെ.ഷിജി,ഭരണസമിതി അംഗങ്ങൾ,ജീവനക്കാർ തുടങ്ങിയവർ പങ്കെടുത്തു.