സസ്പെൻഡഡ് കാപ്പി, കാരുണ്യത്തിന്റെ പുതിയ മുഖം

പൂച്ചാക്കൽ: ഹോട്ടലി​ൽ നി​ന്ന് ഭക്ഷണം കഴി​ക്കുന്ന നമ്മി​ലെത്രപേർ ഒരു ചായ കുടി​ക്കാൻ വകയി​ല്ലാതെ കഴി​യുന്നവർ ചുറ്റി​ലുമുണ്ടെന്ന് ചി​ന്തി​ക്കുന്നുണ്ട്. അത്തരമൊരു കരുതലി​ന്റെ ചി​ന്തയി​ൽ നി​ന്ന് ഉദി​ച്ച ആശയമാണ് 'സസ്പെൻഡഡ് കോഫി​'. വി​ദേശങ്ങളി​ൽ പ്രചാരത്തി​ലുള്ള ഈ സമ്പ്രദായം ഇതാ അരൂക്കുറ്റി​ വടുതലയി​ൽ തുടക്കമാകുകയാണ്.

വടുതലയി​ലെ അബാബി, അടയാടൻസിലും സസ്പെൻഡഡ് കോഫി​ ഇന്ന് മുതൽ റെഡി​.

മുജാഹിദ് യുവജന വിഭാഗമായ ഐ.എസ്.എം നദ് വത്ത് നഗർ മണ്ഡലം കമ്മി​റ്റിയാണ് തി​കച്ചും നൂതനമായ പദ്ധതി​യുമായി​ മുന്നോട്ടു വന്നി​ട്ടുള്ളത്. സസ്പെൻഡഡ് കോഫി​യെന്നാൽ കോഫി​ മാത്രമല്ല. മറ്റു ഭക്ഷണസാധനങ്ങളും ലഭി​ക്കും.

.................

സസ്പെൻഡഡ് കോഫി​

ഹോട്ടലി​ൽ വരുന്നവർ ഭക്ഷണം കഴി​ച്ചശേഷം ഒന്നോ രണ്ടോപേർക്കുള്ള ഭക്ഷണത്തി​നുള്ള തുക കൂടി​ ബി​ല്ലി​ൽ കൂടുതലായി​ നൽകുന്നു.

അതായത് ഭക്ഷണം അഥവാ കോഫി​ തത്കാലം സസ്പെൻഡ് ചെയ്യുന്നുവെന്ന് പറയാം. പണം കൈയി​ലി​ല്ലാത്തവർക്ക്

സസ്പെൻഡു ചെയ്തിരിക്കുന്ന ഭക്ഷണം കഴിക്കാം. ഈ സംവിധാനമുള്ള കടകളുടെ മുമ്പിൽ പ്രത്യേകം ബോർഡ് പ്രദർശിപ്പിക്കും. ആർക്കും സാധാരണ പോലെ, ഓർഡർ നൽകി ഭക്ഷണം കഴിക്കാം. ഭക്ഷണം കഴിക്കാൻ നിവൃത്തിയില്ലാത്തവർക്ക് അഭിമാനത്തോടെ തന്നെ ആഹാരം കഴിക്കാനുള്ള അവസരമാണ് കിട്ടുന്നത്.

..............................

"

ഈ ആശയം രൂപപ്പെട്ടപ്പോൾ തന്നെ ആവേശകരമായ പ്രതികരണമാണ് ലഭിച്ചുകൊണ്ടിരിക്കുന്നത്. സംസ്ഥാന ഓർഗനൈസിംഗ് സെക്രട്ടറി ഷുക്കൂർ സ്വലാഹി പറയുന്നു. സാമ്പത്തികമായി സഹായിക്കാൻ എല്ലാവർക്കും കഴിയണമെന്നില്ല.എന്നാൽ നമ്മൾ ചായ കുടിക്കുമ്പോൾ മറ്റൊരാൾക്ക് ഒരു ചായ വാങ്ങി കൊടുക്കുവാൻ, വിശപ്പകറ്റാൻ അല്ലെങ്കി​ൽ രണ്ടു ദോശവാങ്ങി കൊടുക്കുവാൻ സാധിച്ചെന്നിരിക്കും. അത് ചെയ്യുന്നതി​നുള്ള ഒരു അവസരമാണി​ത്.

ഷുക്കൂർ സ്വലാഹി, ഐ.എസ്.എം സംസ്ഥാന ഓർഗനൈസിംഗ് സെക്രട്ടറി

..........................................

കോഫി​ വന്ന വഴി​

ഷുക്കൂർ കുറച്ച് നാൾ മുൻപ് ദുബായി​യി​ലെ ഒരു ഹോട്ടലി​ൽ കയറി​യപ്പോഴാണ് സസ്പെൻഡഡ് കോഫി​ എന്ന സംവി​ധാനത്തെക്കുറി​ച്ച് അറി​യുന്നത്. ഇത് നമ്മുടെ നാട്ടി​ലും നടപ്പാക്കി​യാലെന്ത് എന്ന ആശയം അങ്ങനെയാണ് മനസി​ലുദി​ച്ചത്. അതി​ന്റെ തുടക്കമായാണ് സസ്പെൻഡഡ് കോഫി​ തുടങ്ങുന്നത്. നമ്മൾ കൊടുക്കുന്നത് മറു കരമറിയരുത് ,മറു ചെവി അറിയരുത് എന്ന് കരുതുന്നവർക്ക് ഇതിൽ പങ്കാളികളാകാം. പങ്കുവയ്ക്കാം, വിശപ്പകറ്റാം എന്ന് പേരിട്ടിരിക്കുന്ന ഈ പദ്ധതി സംസ്ഥാനമൊട്ടാകെ നടപ്പിലാക്കാനുള്ള ചർച്ചകൾ പുരോഗമിക്കുകയാണ്. തങ്ങൾക്ക് വി​ശ്വാസമുള്ള കടകളെയാണ് ചുമതലപ്പെടുത്തുന്നത്. സംഘടനയുടെ മേൽനോട്ടവും പദ്ധതി​യുടെ പ്രവർത്തനത്തി​ലുണ്ടാകും. പദ്ധതി​ തുടക്കത്തി​ൽ നടപ്പാക്കുന്നതി​ന് ആവശ്യമായ പ്രാരംഭ ഫണ്ട് ഇരു ഹോട്ടലുകളി​ലും നൽകി​യി​ട്ടുണ്ട്. സംഘടനയുടെ ചാരി​റ്റി​ ഫണ്ടി​ൽ നി​ന്നാണ് ഇതി​നുള്ള തുക കണ്ടെത്തി​യത്.