ചാരുംമൂട് : താമരക്കുളം ജംഗ്ഷനിൽ റോഡരി​കിലെ സ്ഥലങ്ങൾ കയ്യേറുന്നുവെന്ന് പരാതി. അനധികൃത നിർമ്മാണവും ഇറക്കുകളും ഗതാഗത തടസത്തിനു കാരണമാകുന്നു. താമരക്കുളം ജംഗ്ഷനിൽ ഓച്ചിറ -താമരക്കുളം റോഡിന്റെ വശങ്ങളിൽ മാർക്കറ്റിന്റെ പടിഞ്ഞാറേയറ്റം വരെയുള്ള ഭാഗത്താണ് പ്രധാനനമായും ഇറക്കുകളും നിർമ്മാണങ്ങളുമുള്ളത്. ഇതു മൂലം റോഡിന്റെ വശങ്ങളിൽ വാഹനങ്ങൾ പാർക്കു ചെയ്യാൻ കഴിയാത്ത സ്ഥിതിയുണ്ട്. കടകളിൽ എത്തുന്നവരുടെ വാഹനങ്ങൾ റോഡിൽ തന്നെയാണ് ഇപ്പോൾ പാർക്കു ചെയ്യുന്നത്. ഇത് അപകടങ്ങൾക്ക് കാരണമാകുന്നതായും നാട്ടുകാർ പറയുന്നു. ഇത് സംബന്ധിച്ച് പി.ഡബ്ല്യു.ഡി - റവന്യു - പഞ്ചായത്ത് അധികൃതർ യാതൊരു നടപടിയും എടുക്കുന്നില്ലെന്നും ആക്ഷേപമുണ്ട്. അടുത്തിടെ റോഡ് നവീകരണം നടന്നതോടെയാണ് റോഡിന്റെ വശങ്ങൾ ക്രമാതീതമായി ഉയർന്നിട്ടുളളത്. വാഹന യാത്രക്കാർക്കടക്കം ഇത് ബുദ്ധിമുട്ടുണ്ടാക്കുന്നതായും നാട്ടുകാർ പറയുന്നു.