ചേർത്തല : റോഡ് മുറിച്ചു കടക്കുന്നതിനിടെ മിനിലോറിയിടിച്ച്, സൈക്കിൾ യാത്രികനായ കയർ ഫാക്ടറി തൊഴിലാളി മരിച്ചു.ഒപ്പമുണ്ടായിരുന്ന ഭാര്യയ്ക്ക് പരിക്കേ​റ്റു. മുഹമ്മ പഞ്ചായത്ത് 14-ാം വാർഡ് കൊച്ചനാകുളങ്ങര കുന്നപ്പശേരിൽ തങ്കപ്പന്റെ മകൻ കുഞ്ഞുമോൻ (48) ആണ് മരിച്ചത്.ഭാര്യ വിനോദിനി(42)ക്കാണ് പരിക്കേറ്റത്.
12 ന് രാത്രി ഒമ്പതോടെ ദേശീയ പാതയിൽ മാരാരിക്കുളം പൊലീസ് സ്​റ്റേഷനു വടക്കുഭാഗത്തായിരുന്നു അപകടം. കുഞ്ഞുമോനും ഭാര്യ വിനോദിനിയും കൂടി മാരാരിക്കുളത്ത് ഭാര്യവീട്ടിൽ നിന്നും വരുമ്പോഴാണ് അപകടം. സൈക്കിൾ തള്ളി റോഡു മുറിച്ചു കടക്കുന്നതിനിടെ അമിത വേഗത്തിലെത്തിയ മിനിലോറിയിടിക്കുകയായിരുന്നു. വിനോദിനി ആശുപത്രിയിൽ ചികിത്സയിലാണ്. ഗുരുതരമായി പരിക്കേ​റ്റ കുഞ്ഞുമോൻ ആലപ്പുഴ മെഡിക്കൽ കോളേജ് ആശുപത്രിയിൽ ചികിത്സയിലിരിക്കെ തിങ്കളാഴ്ച ഉച്ചകഴിഞ്ഞാണ് മരിച്ചത്. മൃതദേഹം പോസ്​റ്റുമോർട്ടത്തിനു ശേഷം ഇന്ന് ഉച്ചയ്ക്ക് ഒന്നിന് വീട്ടുവളപ്പിൽ സംസ്‌കരിക്കും.മക്കൾ:വിഷ്ണുമായ,ദേവീ കൃഷ്ണ.അമ്മ:ഹൈമവതി.സഹോദരങ്ങൾ: ടി.ഷാജി ( സി.പി.എം മുഹമ്മ ലോക്കൽ സെക്രട്ടറി), ഷീബ (കെ.എസ്.ആർ.ടി.സി ചേർത്തല).