ആലപ്പുഴ: പൊതുവിദ്യാഭ്യാസ വകുപ്പിനു കീഴിലെ ഹയർ സെക്കൻഡറി വിഭാഗത്തിൽ പ്രവർത്തിക്കുന്ന കരിയർ ഗൈഡൻസ് ആൻഡ് അഡോളസൻസ് കൗൺസിലിംഗ് സെല്ലിന്റെ ആഭിമുഖ്യത്തിൽ 'ഒപ്പം' എന്ന പേരിൽ സംസ്ഥാനത്ത് നടത്തുന്ന ടെലികൗൺസിലിംഗിന്റെ പ്രവർത്തനത്തിന് ജില്ലയിൽ തുടക്കമായി.

ഹയർ സെക്കൻഡറിതലംവരെ പഠിക്കുന്ന വിദ്യാർത്ഥികൾക്കോ അവരുടെ രക്ഷിതാക്കൾക്കോ ഈ സൗകര്യം പ്രയോജനപ്പെടുത്താം. ലോക്ക്ഡൗൺ കാരണം സ്‌കൂളിൽ പോകാൻ കഴിയാതെയും സാമൂഹിക ജീവിതത്തിൽ ഏർപ്പെടാൻ കഴിയാത്ത സാഹചര്യത്തിൽ വിദ്യാർത്ഥികൾക്കുണ്ടാകുന്ന മാനസിക സംഘർഷം, ഓൺലൈൻ ക്ലാസ് സംശയ നിവാരണം, ആത്മഹത്യ പ്രവണത തുടങ്ങി കുട്ടികളുടെ എന്ത് പ്രശ്നവും 'ഒപ്പ'വുമായി പങ്കുവയ്ക്കാം. ജില്ലയുടെ വിവിധ മേഖലകളിലായി പരിശീലനം ലഭിച്ച 17 അദ്ധ്യാപകരടങ്ങുന്ന കൗൺസിലിംഗ് ടീമിന്റെ സേവനം നിലവിൽ വന്നതായി കരിയർ ഗൈഡൻസ് ആൻഡ് അഡോളസെൻസ് കൗൺസിലിംഗ് സെൽ ജില്ല കോ- ഓർഡിനേറ്റർ ഡോ. സുനിൽ മാർക്കോസ് അറിയിച്ചു. ഫോൺ: ശിഹാബുദ്ദീൻ (94470 23517), മിനി ജോസഫ് (98461 98687), നിഷാ ആൻ ജേക്കബ് (94477 47448), വരദകുമാരി (81388 59674), രാജലക്ഷ്മി (9446 497679), സൈനി ഹമീദ് (94467 06062), പ്രേമ വി. കൃഷ്ണൻ (94972 21453), പ്രമീള കുമാരി (94961 14870), സന്ധ്യ കാരണവർ (94957 05288), റാണി (920791 2014), സുജ (94479 08424), ഷീജ (97452 02910), വിനീത (95625 75807), ആസിഫ (94963 05155), ജയലാൽ (9446492521) , രശ്മി (94006 27460), ഡോ. സുനിൽ മാർക്കോസ് (94973 40275).