ആലപ്പുഴ : അതിർത്തിയിൽ വീരമൃത്യു വരിച്ച ധീര ജവാൻമാർക്ക് ഐക്യദാർഢ്യം പ്രഖ്യാപിച്ച് കോൺഗ്രസ് കുതിരപ്പന്തി മണ്ഡലം കമ്മിറ്റിയുടെ നേതൃത്വത്തിൽ യോഗം നടത്തി. കെ.പി.സി.സി ജനറൽ സെക്രട്ടറി അഡ്വ.ഡി.സുഗതൻ ഉദ്ഘാടനം നിർവ്വഹിച്ചു. മണ്ഡലം പ്രസിഡന്റ് ഷിജു താഹ അധ്യക്ഷത വഹിച്ചു. മുനിസിപ്പൽ ചെയർമാൻ ഇല്ലിക്കൽ കുഞ്ഞുമോൻ ചൈനയുടെ പതാക കത്തിച്ചു മുഖ്യപ്രഭാഷണം നടത്തി. നഗരസഭ വികസന സ്റ്റാൻഡിംഗ് കമ്മിറ്റി ചെയർമാൻ ബഷീർ കോയാപറമ്പിൽ, ഐ.എൻ.ടി.യു.സി നേതാവ് സജീവൻ, ജനറൽ സെകട്ടറി അൻസിൽ അഷറഫ്, സി. മോഹനൻ, നിഷാദ്, പ്രിൻസി, മുതിർന്ന കോൺഗ്രസ് നേതാക്കളായ ഷരീഫ്, സിയാദ് എസ്.എസ് ,വർക്കി തുടങ്ങിയവർ സംസാരിച്ചു.