ഹരിപ്പാട്: മണ്ഡലത്തിലെ വട്ടച്ചാൽ, ആറാട്ടുപുഴ, പതിയാങ്കര എന്നീ പ്രദേശങ്ങളിൽ 64.83 കോടി രൂപ ചെലവ് വരുന്ന പുലിമുട്ടുകൾ നിർമ്മിക്കുന്നതിന്റെ ടെണ്ടർ​ നടപടികൾ പൂർത്തീകരിച്ചതായി പ്രതിപക്ഷനേതാവ് രമേശ് ചെന്നിത്തല അറിയിച്ചു. ടെണ്ടർ​കരാർനടപടികൾ പൂർത്തീകരിക്കപ്പെട്ട സാഹചര്യത്തിൽ നിർമ്മാണ പ്രവർത്തനങ്ങൾ അടിയന്തിരമായി ആരംഭിക്കാൻ ബന്ധപ്പെട്ട ഉദ്യോഗസ്ഥർക്ക് നിർദേശം നൽകിയതായി ചെന്നിത്തല പറഞ്ഞു. കൂടാതെ തീരദേശത്തെ വിവിധ പോയിന്റുകളിൽ നേരത്തെ അനുവദിച്ചിട്ടുള്ള അടിയന്തിര നിർവ്വഹണ പ്രവർത്തികൾ എത്രയും വേഗം പൂർത്തീകരിക്കാൻ ഉദ്യോഗസ്ഥരോട് നിർദേശിച്ചതായും അദ്ദേഹം അറിയിച്ചു.