ആലപ്പുഴ : തോട്ടപ്പള്ളിയിൽ കരിമണൽ ഖനനവും കടൽ മൽണ ഖനനവുമാണ് നടക്കുന്നതെന്ന് ബോദ്ധ്യപ്പെട്ടത് കൊണ്ടാണ് സമരം ആരംഭിച്ചതെന്നും അത് തുടരുമെന്നും സി.പി.ഐ.ജില്ലാ സെക്രട്ടറി ടി.ജെ.ആഞ്ചലോസ് പറഞ്ഞു. കേസിൽ കക്ഷി ചേരുന്നതുൾപ്പെടെ ആലോചിക്കുമെന്ന് എ.ഐ.ടി.യു.സി ജില്ലാ സെക്രട്ടറി, അഡ്വ. വിമോഹൻദാസ് പറഞ്ഞു.

 സെക്രട്ടറിയുടെ പേരിൽ നടപടിയെടുക്കണം

പഞ്ചായത്ത് രാജ് നിയമത്തിന് വിരുദ്ധമായി ഭരണസമിതിയുടെ തീരുമാനത്തിനെതിരെ പ്രവർത്തിച്ച സെക്രട്ടറിയുടെ പേരിൽ നടപടിയെടുക്കണമെന്ന് ഡി.സി.സി പ്രസിഡന്റ് അഡ്വ. എം.ലിജു ആവശ്യപ്പെട്ടു.

 സർക്കാർ ഉത്തരവ് മാനിക്കും : സെക്രട്ടറി

സർക്കാർ പുറപ്പെടുവിക്കുന്ന ഉത്തരവ് മാനിക്കുകയാണ് ഉദ്യോഗസ്ഥന്റെ ചുമതലയെന്നും അത് പാലിക്കുകമാത്രമാണ് ചെയ്തയെന്നും പുറക്കാട് ഗ്രുമ പഞ്ചായത്ത് സെക്രട്ടറി പറഞ്ഞു. പഞ്ചായത്ത് ഭരണസമിതി എടുക്കുന്ന തീരുമാനം പൂർണ്ണമായി അംഗീകരിക്കണമെന്നില്ല. അതിൽ വിയോജനം രേഖപ്പെടുത്താനുള്ള അവകാശം സെക്രട്ടറിക്ക് ഉണ്ടെന്നും അദ്ദേഹം പറഞ്ഞു.