ആലപ്പുഴ: ആലപ്പുഴ ബൈപ്പാസിൽ കുതിരപ്പന്തിയിലെ റെയിൽവേ മേൽപ്പാലത്തിൽ ഗർഡറുകൾ സ്ഥാപിക്കുന്ന ജോലി തുടങ്ങി.

ഇന്നലെ ഉച്ചയ്ക്ക് രണ്ടരയോടെ ട്രെയിൻ ഗതാഗതം നിർത്തിവെച്ചാണ് ജോലികൾക്ക് ആരംഭിച്ചത്. മൂന്നരയോടെ ടി ആദ്യ ഗർഡർ മേൽപ്പാലത്തിൽ സ്ഥാപിച്ചു. പ്രവർത്തികളുടെ പുരോഗതി വിലയിരുത്തുന്നതിനായി മന്ത്രി ജി.സുധാകരൻ സ്ഥലത്ത് എത്തിയിരുന്നു.

ഗർഡർ സ്ഥാപിച്ചു കഴിഞ്ഞാൽ രണ്ടുമാസത്തോളം കോൺക്രീറ്റിംഗ് ജോലികൾക്ക് വേണം. കഴിഞ്ഞ ഫെബ്രുവരിയിൽ സ്ഥാപിച്ച മാളികമുക്ക് മേൽപ്പാലത്തിലെ കോൺക്രീറ്റിംഗ് പൂർത്തിയായി. കാലാവസ്ഥ അനുയോജ്യം ആണെങ്കിൽ ടാറിംഗ് പ്രവർത്തികൾ നടത്തി സെപ്തംബറിൽ ബൈപ്പാസ് നാടിന് സമർപ്പിക്കാനാകുമെന്ന് മന്ത്രി ജി.സുധാകരൻ വ്യക്തമാക്കി. കളക്ടർ എ.അലക്സാണ്ടർ, എ.എം.ആരിഫ് എം.പി, ദേശിയ പാത നിരത്തു വിഭാഗം, റെയിൽവേ ഉദ്യോഗസ്ഥർ തുടങ്ങിയവവരും സ്ഥലത്തെത്തിയിരുന്നു.