ഹരിപ്പാട്: ശ്രീനാരായണ ധർമ്മസേവാ സംഘം ഗുരുമന്ദിരത്തിലെ ശാന്തി കൊച്ചുകളത്തിൽച്ചിറയിൽ എം.ആർ.അജിത്കുമാറിന്റെ ഒന്നാം ചരമ വാർഷികത്തിൽ ഭരണസമിതിയുടെ നേതൃത്വത്തിൽ അനുസ്മരണം നടത്തി. സംഘം പ്രസിഡന്റ് ദിനു വാലുപറമ്പിൽ അദ്ധ്യക്ഷനായി. സെക്രട്ടറി ബി.കുഞ്ഞുമോൻ അനുസ്മരണ പ്രമേയം അവതരിപ്പിച്ചു. വൈസ് പ്രസിഡന്റ് ടി.മോഹൻകുമാർ, ജോ.സെക്രട്ടറി എ.സുനിൽകുമാർ, ട്രഷറർ കെ.ആർ രാജൻ, ഭരണ സമിതി അംഗങ്ങളായ യതീന്ദ്രദാസ്, യു.മുരളീധരൻ, ബി.അശോകൻ, വിനോദ് ബാബു, ഗോകുൽ.ജി.ദാസ്, ഷാജി, ദേവദത്തൻ, ലേഖ മനോജ്‌, പ്രസന്ന ദേവരാജൻ, അംബിക രവീന്ദ്രൻ എന്നിവർ സംസാരിച്ചു.