ചേർത്തല:ഒ​റ്റമശേരിയിൽ കടലാക്രമണം രൂക്ഷമായതോടെ ഒരു കുടുംബത്തെ മാ​റ്റി പാർപ്പിക്കാനും മണൽചാക്കുകൾ അടുക്കി തീരം സംരക്ഷിക്കാനും തീരുമാനം.കടക്കരപ്പള്ളി പഞ്ചായത്ത് 12,14 വാർഡുകളുടെ ഭാഗമായ ഒ​റ്റമശേരിയിൽ 450 മീ​റ്ററോളം ഭാഗത്താണ് കടൽഭിത്തി ഇല്ലാത്തതിനാൽ കടലാക്രമണമുള്ളത്. കൂടുതൽ അപകടസാധ്യതയുള്ള 12–ാം വാർഡിലെ പുന്നക്കൽ ജോസഫ് ആന്റണിയേയും കുടുംബത്തെയുമാണ് മ​റ്റൊരു വീട്ടിലേക്കു മാ​റ്റി പാർപ്പിക്കുന്നത്. ഇരുപതോളം വീടുകളിൽ കടൽ കയറുന്നുണ്ട്. കഴിഞ്ഞ ദിവസങ്ങളിലായി 100 മീ​റ്ററോളം കടൽ കയറിയെന്നു തീരവാസികൾ പറയുന്നു. കടലേ​റ്റം മൂലം വെള്ളം കിഴക്ക് റോഡുവരെയെത്തി. ഇന്നലെ മന്ത്റി പി. തിലോത്തമൻ, എ.എം. ആരിഫ് എം.പി, കളക്ടർ എ.അലക്‌സണ്ടർ,തഹസിൽദാർ ആർ. ഉഷ എന്നിവർ സ്ഥലം സന്ദർശിച്ചു. ഇതേ തുടർന്നാണ് ഒരു കുടുംബത്തെ മാ​റ്റാനും മണൽചാക്കുകൾ അടുക്കാനും തീരുമാനമായത്.

ഒ​റ്റമശേരിയിൽ കഴിഞ്ഞ വർഷവും കടലാക്രമണം രൂക്ഷമായിരുന്നു. ഇവിടെ കടൽഭിത്തിയില്ലാത്തതാണ് കാരണം. കഴിഞ്ഞ വർഷം ആലപ്പുഴ രൂപതയുടെ നേതൃത്വത്തിൽ വൈദികർ അടക്കം കടലിൽ ഇറങ്ങി സമരം ചെയ്തതിനെ തുടർന്ന് താത്കാലികമായി കല്ലിറക്കി കടലോരത്ത് നിരത്തിയിരുന്നു.ഒരു വർഷത്തിനിടെ ഇത് മൂടിപ്പോയി.