മാരാരിക്കുളം:കൊവിഡ് കാലത്ത് കേന്ദ്ര സർക്കാർ ജനങ്ങളെ പിഴിയുകയാണെന്നും എണ്ണ കമ്പനികളും കേന്ദ്രസർക്കാരും നേട്ടം കൊയ്യുകയാണെന്നും കെ.പി.സി.സി ജനറൽ സെക്രട്ടറി അഡ്വ. ഡി.സുഗതൻ പറഞ്ഞു.പെട്രോൾ ഡീസൽ വിലവർദ്ധനവിൽ പ്രതിഷേധിച്ച് കോൺഗ്രസ് മണ്ണഞ്ചേരി മണ്ഡലം കമ്മി​റ്റിയുടെ നേതൃത്ത്വത്തിൽ സംഘടിപ്പിച്ച ധർണ ഉദ്ഘാടനം ചെയ്യുകയായിരുന്നു അദ്ദേഹം.മണ്ഡലം പ്രസിഡന്റ് കെ.എച്ച്.മജീദ് അദ്ധ്യക്ഷത വഹിച്ചു. എൻ.ചിദംബരൻ,കെ.ആർ. രാജാറാം,കുന്നപ്പള്ളി മജീദ്,എം.രാജ,എം.എസ്.ചന്ദ്രബോസ്,സി.കെ.വിജയകുമാർ, സി.സി.നിസാർ എന്നിവർ പങ്കെടുത്തു.