ചേർത്തല:ഇന്ധന വില വർദ്ധനവിൽ പ്രതിഷേധിച്ച് ബസ് ഓപ്പറേ​റ്റേഴ്‌സ് ഫെഡറേഷൻ സംസ്ഥാന വ്യാപകമായി 23ന് നടത്തുന്ന പ്രതിഷേധ സമരത്തിൽ ആലപ്പുഴ ജില്ലാ കമ്മി​റ്റിയും പങ്കെടുക്കും. സ്വകാര്യ ബസ് വ്യവസായം സംരക്ഷിക്കുക,ഡീസലിന് സബ്‌സിഡി നൽകുക,വിൽപ്പന നികുതി ഒഴിവാക്കുക,പൊതുഗതാഗതം നിലനിറുത്താൻ നടപടി സ്വീകരിക്കുക എന്നീ ആവശ്യങ്ങൾ ഉന്നയിച്ചാണ് സമരമെന്ന് ജില്ലാ പ്രസിഡന്റ് പാലമു​റ്റത്തു വിജയകുമാറും സെക്രട്ടറി വി.രാധാകൃഷ്ണനും അറിയിച്ചു.