 പാഠപുസ്തകം പായ്ക്ക് ചെയ്യുന്നത് കുടുംബശ്രീ

ആ​ല​പ്പു​ഴ : സം​സ്ഥാ​നത്ത് പാഠ​പു​സ്​ത​ക വി​ത​ര​ണ​ത്തി​ൽ കൈത്താങ്ങുമായി കു​ടും​ബ​ശ്രീ പ്രവർത്തകർ. പു​സ്​ത​ക​ങ്ങൾ ത​രം​തി​രി​ച്ച് പാ​ക്ക് ചെ​യ്യു​ന്ന സേ​വ​ന​ങ്ങൾ കു​ടും​ബ​ശ്രീ മു​ഖേ​ന ന​ടപ്പാക്കു​ന്ന​തി​ന് കെ.ബി.പി.എ​സി​ന് പൊ​തു​വി​ദ്യാ​ഭ്യാ​സ​വ​കു​പ്പ് അ​നു​മ​തി നൽ​കി​യി​രു​ന്നു.

രാ​വി​ലെ 7 ​മു​തൽ വൈ​കി​ട്ട് 6വ​രെ​യാ​ണ് കു​ടും​ബ​ശ്രീ പ്ര​വർ​ത്ത​ക​രു​ടെ സേ​വ​നം. എ​റ​ണാ​കു​ളം കാ​ക്ക​നാ​ടു​ള്ള കേ​ര​ള ബു​ക്ക്സ് ആൻ​ഡ് പ​ബ്ലി​ക്കേ​ഷൻ സൊ​സൈ​റ്റി​യിൽ (കെ.ബി.പി.എ​സ്) അ​ച്ച​ടി​ച്ചു ത​യാ​റാ​ക്കു​ന്ന പു​സ്​ത​ക​ങ്ങ​ളാ​ണ് എ​ല്ലാ ജി​ല്ല​ക​ളി​ലു​മു​ള്ള പാഠ​പു​സ്​ത​ക ഹ​ബ്ബു​ക​ളി​ലേ​ക്ക് എ​ത്തി​ക്കു​ന്ന​ത്. ആ​ല​പ്പു​ഴ ജി​ല്ല​യി​ലെ ഹ​ബ്ബ് ഗ​വ. ഗേൾ​സ് ഹൈ​സ്​കൂ​ളി​ലാ​ണ് പ്ര​വർ​ത്തി​ക്കു​ന്ന​ത്. ഇവിടെ നിന്ന് സ്കൂൾ സൊസൈറ്റികളിൽ പുസ്തകങ്ങൾ എത്തിക്കും. സൊ​സൈ​റ്റി​ക​ളിൽ നി​ന്ന് അ​ത​ത് സ്​കൂ​ളു​ക​ളി​ലേ​ക്ക് പു​സ്​ത​ക​ങ്ങൾ എ​ത്തി​ക്കു​ക​യും ര​ക്ഷി​താ​ക്ക​ളെ വി​ളി​ച്ച് വ​രു​ത്തി വി​ത​ര​ണം ചെ​യ്യു​ക​യു​മാ​ണ് രീ​തി. ഓ​രോ സൊ​സൈ​റ്റി​യു​ടെ​യും ആ​വ​ശ്യം അ​നു​സ​രി​ച്ചാ​ണ് പാ​ക്കിം​ഗ് . ഹ​ബ്ബിൽ എ​ത്തി പു​സ്​ത​കം സ്വീ​ക​രി​ക്കാ​നാ​വാ​ത്ത സൊ​സൈ​റ്റി​ക​ളി​ലേ​ക്ക് പു​സ്​ത​ക​ക്കെ​ട്ടു​കൾ എ​ത്തി​ച്ച് നൽ​കു​വാ​നും കു​ടം​ബ​ശ്രീ ത​യ്യാ​റാ​ണ്. മ​ല​പ്പു​റം, കോ​ഴി​ക്കോ​ട്, പാ​ല​ക്കാ​ട്, ആ​ല​പ്പു​ഴ ജി​ല്ല​ക​ളി​ലെ പു​സ്​തക​വി​ത​ര​ണം 90 ശ​ത​മാ​നം പൂർ​ത്തി​യാ​യി. ബാ​ക്കി​യു​ള്ള ജി​ല്ല​ക​ളിൽ ജൂൺ 30ന​കം പൂർ​ത്തി​യാ​ക്കാ​നാ​ണ് കു​ടും​ബ​ശ്രീ ല​ക്ഷ്യ​മി​ട്ടി​ട്ടുള്ളത്. ഹ​ബ്ബു​ക​ളിൽ സൂ​പ്പർ​വൈ​സർ, പാ​ക്കിം​ഗ് ജീ​വ​ന​ക്കാർ, വി​ത​ര​ണ​ത്തി​നെ​ത്തി​ക്കു​ന്ന​വർ എ​ന്നി​ങ്ങ​നെ മൂ​ന്ന് വി​ഭാ​ഗ​മാ​യാ​ണ് ജീ​വ​ന​ക്കാ​രെ നി​യോ​ഗി​ച്ചിട്ടുള്ള​ത്.

 ഇപ്പോൾ നടക്കുന്നത്

ഓൺ​ലൈൻ ക്ലാ​സു​കൾ ആ​രം​ഭി​ച്ച​തി​നാൽ ഓ​ണ​പ്പ​രീ​ക്ഷ​ വ​രെ​യു​ള്ള പാഠ​ഭാ​ഗ​ങ്ങ​ളടങ്ങിയ പു​സ്​ത​ക​ങ്ങ​ളു​ടെ വി​ത​ര​ണ​മാ​ണ് ഇ​പ്പോൾ ന​ട​ക്കു​ന്ന​ത്. മൂ​ന്ന് ഘ​ട്ട​ങ്ങ​ളാ​യാ​ണ് അ​ദ്ധ്യ​യ​ന​വർ​ഷ​ത്തിൽ പു​സ്​ത​ക​ങ്ങൾ വി​ത​ര​ണം ചെ​യ്യുക.

260 : ജി​ല്ല​യിൽ 260 സ്കൂൾ സൊ​സൈ​റ്റി​കൾ​ക്ക് വേ​ണ്ടി​യാ​ണ് ക്ലാ​സും വി​ഷ​യ​വും ത​രം​തി​രി​ച്ച് പുസ്തകങ്ങൾ പാക്ക് ചെയ്ത് നൽകുന്നത്

 പാഠപുസ്തകവും കുടുംബശ്രീയും
സം​സ്ഥാ​ന​ത്ത് പാഠ​പു​സ്​തക പാ​ക്കിം​ഗി​ന് നി​യോ​ഗി​ച്ചി​രി​ക്കു​ന്ന​ത് ​: 221 കു​ടും​ബ​ശ്രീ അം​ഗ​ങ്ങൾ

ആ​ല​പ്പു​ഴ​യി​ലെ ഹ​ബ്ബിൽ പ്ര​വർ​ത്തി​ക്കു​ന്ന​ത് :​ 15 അം​ഗ​ങ്ങൾ

പാ​ക്കിം​ഗ് ജീ​വ​ന​ക്കാർ​ക്ക് പ്ര​തി​ദി​ന വേ​ത​നം: ​ 750 രൂ​പ

'' വൈ​കി​യാ​ണ് പ്ര​വർ​ത്ത​നം ആ​രം​ഭി​ച്ച​തെ​ങ്കി​ലും ഫ​ല​പ്ര​ദ​മാ​യാ​ണ് പു​സ്​ത​ക​വി​ത​ര​ണം ന​ട​ക്കു​ന്ന​ത്. വി​വി​ധ സൊ​സൈ​റ്റി​ക​ളിൽ നി​ന്നും മി​ക​ച്ച പ്ര​തി​ക​ര​ണ​മാ​ണ് ല​ഭി​ക്കു​ന്ന​ത്. ക​ഴി​ഞ്ഞ വർ​ഷം വ​രെ വി​വി​ധ ഏ​ജൻ​സി​ക​ളെ വ​ച്ച് ന​ട​ത്തി​യി​രു​ന്ന പ്ര​വർ​ത്ത​നം ഇ​ത്ത​വ​ണ കു​ടും​ബ​ശ്രീ​ക്ക് നൽ​കി​യ​തിൽ സ​ന്തോ​ഷ​മു​ണ്ട്. ​

ജെ. പ്ര​ശാ​ന്ത് ബാ​ബു, ജി​ല്ലാ മി​ഷൻ

കോ ഓർ​ഡി​നേ​റ്റർ, കു​ടും​ബ​ശ്രീ