ആലപ്പുഴ:ഭിന്നശേഷിക്കാർക്ക് സാമൂഹ്യനീതി വകുപ്പ് നടത്തുന്ന വിദ്യാകിരണം,വിദ്യാജ്യോതി,സ്വാശ്രയ, പരിരക്ഷ,വിദൂര വിദ്യാഭ്യാസ ധനസഹായ പദ്ധതികളിൽ സഹായം ലഭിക്കുന്നതിന് ജില്ലയിലെ അർഹരായ ഗുണഭോക്താക്കളിൽനിന്ന് അപേക്ഷ ക്ഷണിച്ചു.

നിശ്ചിത മാതൃകയിലുള്ള അപേക്ഷ ബന്ധപ്പെട്ട രേഖകൾ സഹിതം ജൂലായ് 31നകം ജില്ല സാമൂഹ്യനീതി ഓഫീസിൽ നൽകണം. അപേക്ഷഫോമുകളും വിശദ വിവരങ്ങളും www.sjd.keral.gov.in എന്ന വെബ്‌സൈ​റ്റിൽ ലഭ്യമാണ്. ഫോൺ: 0477 2253870.

കൊവിഡ് പശ്ചാത്തലത്തിൽ കേരള കർഷകത്തൊഴിലാളി ക്ഷേമനിധി അംഗങ്ങൾക്ക് സർക്കാർ അനുവദിച്ച 1000 രൂപ ധനസഹായത്തിന് അപേക്ഷിക്കേണ്ട അവസാന തീയതി ജൂൺ 26 ആണെന്ന് ജില്ല എക്സിക്യൂട്ടീവ് ഓഫീസർ അറിയിച്ചു. www karshakathozhilali.org എന്ന വെബ്‌സൈ​റ്റോ karshakathozhilali എന്ന മൊബൈൽ ആപ്പോ മുഖേന അക്ഷയ കേന്ദ്രങ്ങളിലൂടെയും മൊബൈലിലൂടെയും അപേക്ഷിക്കാം. നിലവിൽ കുടിശ്ശികയുള്ളവർ ഉൾപ്പെടെ എല്ലാ അംഗങ്ങളും ധനസഹായത്തിന് അർഹരാണ്. ഫോൺ: 0477 2264923.