കറ്റാനം: തൊഴുത്തിന് സമീപം കെട്ടിയിട്ടിരുന്ന പോത്തിനെ മോഷ്ടിച്ചതായി പരാതി..ഭരണിക്കാവ് തെക്കേ മങ്കുഴി കുറ്റിപ്പുറത്ത് ഹരിദാസിന്റെ 50000 രൂപ വിലവരുന്ന പോത്താണ് ബുധനാഴ്ച രാത്രി മോഷ്ടിക്കപ്പെട്ടത്. രണ്ട് പോത്തുകളെ ഒന്നിച്ചാണ് കെട്ടിയിട്ടിരുന്നെങ്കിലും ഒരെണ്ണമാണ് മോഷ്ടിക്കപ്പെട്ടത്. സമീപ സ്ഥലത്ത് നിർത്തിയിട്ടിരുന്ന വാഹനത്തിലാണ് പോത്തി​നെ കയറ്റി കൊണ്ടു പോയതെന്ന് സംശയിക്കുന്നു. മറ്റൊന്നിനെ കൊണ്ടുപോകാൻ ശ്രമിച്ചെങ്കിലും ശ്രമം വിഫലമാകുകയായിരുന്നു. സമീപത്തുള്ള പശുക്കളെയും മോഷ്ടിക്കുവാൻ ശ്രമം നടന്നു. കഴിഞ്ഞ ദിവസങ്ങളിൽ വില പറഞ്ഞ് വാങ്ങാൻ എത്തിയവരെ കേന്ദ്രീകരിച്ച് വള്ളികുന്നം പൊലീസ് അന്വേഷണം ഊർജ്ജിതമാക്കി