ആലപ്പുഴ: പെട്രോൾ, ഡീസൽ വിലവർദ്ധനവ് പിൻവലിക്കാത്തതിൽ പ്രതിഷേധിച്ച് സംസ്ഥാനത്ത് സ്വകാര്യ ബസ് ഉടമകൾ ചൊവ്വാഴ്ച പ്രതിഷേധ ദിനം ആചരിക്കും. ഇരുമ്പുപാലം പോസ്റ്റ് ഓഫീസിന് മുമ്പിൽ കേരള ബസ് ട്രാൻസ്‌പോർട്ട് അസോസിയേഷന്റെ (കെ.ബി.ടി.എ) നേതൃത്വത്തിൽ പ്രതിഷേധ ധർണ നടത്തും. ധർണ വ്യാപാരിവ്യവസായി സമിതി ആലപ്പുഴ ജില്ലാ പ്രസിഡന്റ് ഒ.അഷ്‌റഫ് ഉദ്ഘാടനം ചെയ്യും.
ആലോചനായോഗത്തിൽ കെ.ബി.ടി.എ ജില്ലാ പ്രസിഡന്റ് പി.ജെ. കുര്യൻ അദ്ധ്യക്ഷനായി. സെക്രട്ടറി എസ്.എം.നാസർ, എൻ.സലിം, ഷാജിലാൽ, റിനുമോൻ, ബിജു ദേവിക എന്നിവർ പങ്കെടുത്തു.