മാവേലിക്കര: ബൈക്ക് നിയന്ത്രണം വിട്ട് മറിഞ്ഞുണ്ടായ അപകടത്തിൽ പരിക്കേറ്റ് ചികിത്സയിലായിരുന്ന യുവാവ് മരിച്ചു. കൊറ്റാർകാവ് കിഴക്കേ പനയന്നാമുറിയിൽ ജേക്കബ് ശാമുവേലിന്റെ മകൻ കെ.ജെ.ജാക്സൻ ശാമുവേൽ (അപ്പു–23) ആണ് മരിച്ചത്. ജാക്സണ് ഒപ്പമുണ്ടായിരുന്ന മാവേലിക്കര കോടതിക്ക് സമീപം തെക്കേപ്പറമ്പിൽ സച്ചിൻ രമേശ് പണിക്കർ (22) കൊച്ചിയിലെ സ്വകാര്യ ആശുപത്രിയിൽ ചിക്ത്സയിലാണ്. ചൊവ്വാഴ്ച രാത്രിയിലായിരുന്നു അപകടം. ജാക്സണിന്റെ സംസ്കാരം ഇന്ന് ഉച്ചക്ക് 2ന് സി.എസ്.ഐ ക്രൈസ്റ്റ് ചർച്ച് സെമിത്തേരിയിൽ. മാതാവ്: ബിജിമോൾ. സഹോദരി: ജെയ്സി.