തുറവൂർ: മസ്റ്ററിംഗ് നടത്താത്തതുമൂലം പെൻഷൻ ലഭിക്കാത്ത എല്ലാ സാമൂഹ്യ സുരക്ഷാ, ക്ഷേമനിധി ബോർഡ് പെൻഷൻ ഗുണഭോക്താക്കളും പുതിയതായി പെൻഷന് അർഹരായിട്ടുള്ളവരും ജൂലായ് 15ന് മുൻപ് ആധാർ കാർഡുമായി നേരിട്ട് അക്ഷയ സെന്ററിലെത്തി മസ്റ്ററിംഗ് നടത്തിയാലേ തുടർന്ന് പെൻഷൻ ലഭിക്കുകയുള്ളു. ബയോമെട്രിക് മസ്റ്ററിംഗിൽ പരാജയപ്പെടുന്ന സാമൂഹ്യ സുരക്ഷാ പെൻഷൻ ഗുണഭോക്താക്കൾക്ക് ജൂലായ് 16 മുതൽ 22 വരെ ലൈഫ് സർട്ടിഫിക്കറ്റ് പഞ്ചായത്തിൽ സമർപ്പിച്ചു മസ്റ്ററിംഗ് പൂർത്തീകരിക്കാവുന്നതാണെന്ന് കുത്തിയതോട് പഞ്ചായത്ത് സെക്രട്ടറി അറിയിച്ചു.