ചേർത്തല: വടക്കേ അങ്ങാടിക്കവല വികസന പദ്ധതിയുടെ ഭാഗമായ റോഡു നിർമ്മാണത്തിന് പൊതുമരാമത്ത് വകുപ്പ് വീണ്ടും ടെൻഡർ നടപടികൾ തുടങ്ങി.

ആദ്യ ടെൻഡറിൽ ആരും പങ്കെടുത്തിരുന്നില്ല. നിർമ്മാണം തുടങ്ങുന്നതിനു മുമ്പായി ഏ​റ്റെടുക്കേണ്ട സ്ഥലങ്ങളിലെ നടപടികൾ പൂർത്തിയാക്കാനുള്ള പ്രവർത്തനങ്ങളാണ് ഇപ്പോൾ നടക്കുന്നത്. 23 പ്രമാണങ്ങളിൽ നിന്ന് 43 സെന്റാണ് വികസനത്തിനായി ഏ​റ്റെടുക്കുന്നത്. ഇതിലുള്ള 30 കെട്ടിടങ്ങളിൽ 14 ഏണ്ണം ഏ​റ്റെടുത്തു പൊളിച്ചു കഴിഞ്ഞു.അവശേഷിക്കുന്ന 16ൽ പത്ത് കെട്ടിടങ്ങൾ പൊളിക്കാനുള്ള നടപടികൾ അവസാന ഘട്ടത്തിലാണ്.

ചില പ്രമാണങ്ങളിൽ അവ്യക്തയും തർക്കങ്ങളുമുള്ളതിനാൽ ആറുകെട്ടിടങ്ങൾ പൊളിക്കുന്നത് അനിശ്ചിതത്വത്തിലാണ്.സെന്റിന് എട്ടരലക്ഷം വീതം നഷ്ടപരിഹാരം നൽകിയാണ് സ്ഥലം ഏ​റ്റെടുക്കുന്നത്.കവലയുടെ മദ്ധ്യത്തിൽ നിന്നു നാലുഭാഗങ്ങളിലേക്കും 50 മീ​റ്റർ നീളത്തിലും 20 മീ​റ്റർ വീതിയിലുമാണ് കവല വികസിപ്പിക്കുന്നത്. കവലയുടെ മദ്ധ്യത്തിലിരിക്കുന്ന ട്രാൻസ്‌ഫോർമർ മാ​റ്റാൻ പൊതുമരാമത്ത് നിരത്ത് വിഭാഗം 17 ലക്ഷം രൂപ അടച്ചിട്ടും ഇനിയും മാ​റ്റിയിട്ടില്ല.വികസനത്തിനായുള്ള 8.5 കോടി നേരത്തെ അനുവദിച്ചിരുന്നു.