ഹരിപ്പാട്: എസ്.എൻ.ഡി.പി യോഗം കാർത്തികപ്പള്ളി യൂണിയന്റെ കൊവിഡ് ദുരിതാശ്വാസ പ്രവർത്തനങ്ങളുടെ ഭാഗമായി അകംകൂടി വെട്ടുവേനി 4148-ാം നമ്പർ ശാഖയിലെ കിടപ്പുരോഗികൾക്കുള്ള സാമ്പത്തിക സഹായ വിതരണോദ്‌ഘാടനം യൂണിയൻ പ്രസിഡന്റ് കെ.അശോകപ്പണിക്കർ നിർവഹിച്ചു. യൂണിയൻ സെക്രട്ടറി അഡ്വ. ആർ. രാജേഷ് ചന്ദ്രൻ, യോഗം ഡയറക്ടർ ബോർഡ്‌ അംഗം പ്രൊഫ.സി.എം.ലോഹിതൻ, ശാഖ യോഗം പ്രസിഡന്റ് സുവതി വിജയൻ, സെക്രട്ടറി വിശ്വൻ എന്നിവർ പങ്കെടുത്തു.