ന്യൂഡൽഹി:നാട്ടിലേക്ക് പോകാൻ ആഗ്രഹിക്കുന്ന മുഴുവൻ കുടിയേറ്റത്തൊഴിലാളികളേയും 15 ദിവസത്തിനകം റെയിൽ മാർഗമോ റോഡ് മാർഗമോ സ്വദേശങ്ങളിൽ എത്തിക്കണമെന്ന് കേന്ദ്രത്തിനും സംസ്ഥാനങ്ങൾക്കും സുപ്രീംകോടതി നിർദ്ദേശം നൽകി. തൊഴിലാളികളുടെ പലായനം അനിശ്ചിതമായി തുടരാൻ പറ്റില്ലെന്നും കോടതി വ്യക്തമാക്കി.

കുടിയേറ്റ തൊഴിലാളികളുടെ ദുരവസ്ഥയിൽ കോടതി സ്വമേധയാ എടുത്ത കേസിലാണ് ജസ്റ്റിസുമാരായ അശോക് ഭൂഷൺ, എസ്.കെ.കൗൾ എന്നിവരുൾപ്പെട്ട ബെഞ്ചിന്റെ ഉത്തരവ്. കേസ് ഈ മാസം 9ന് വിധി പറയാൻ മാറ്റി.

ബ്ലോക്ക്, ജില്ലാ, സംസ്ഥാന തലങ്ങളിൽ കുടിയേറ്റത്തൊഴിലാളികളുടെ പട്ടിക

തയാറാക്കണമെന്ന് കോടതി നിർദ്ദേശിച്ചു. നാട്ടിലേക്ക് പോകാൻ ആഗ്രഹിക്കുന്നവരെ അവിടെ എത്തിക്കണം. അവർക്ക് ജോലിചെയ്യാൻ സംസ്ഥാനങ്ങൾ അവസരമൊരുക്കണം. ഇതിന്റെ വിദശമായ റിപ്പോർട്ട് സംസ്ഥാനങ്ങൾ കോടതിയിൽ സമർപ്പിക്കണം.

പലർക്കും ടിക്കറ്റ് ബുക്ക് ചെയ്യാനാവുന്നില്ലെന്നും കുടുങ്ങിയ തൊഴിലാളികളുടെ വിശദവിവരം എല്ലാ സംസ്ഥാനങ്ങളും പ്രസിദ്ധപ്പെടുത്തണമെന്നും അഭിഭാഷകൻ അഭിഷേക് സിംഗ്‌വി പറഞ്ഞു.ശ്രമിക് ട്രെയിനുകളിൽ 80 തൊഴിലാളികൾ മരിച്ചെന്നാണ് റിപ്പോർട്ടുകൾ.ലോക്ഡൗണിൽ മൊത്തം 644 തൊഴിലാളികൾ മരിച്ചെന്നും റിപ്പോർട്ടുണ്ടെന്നും സിംഗ്‌വി ചൂണ്ടിക്കാട്ടി.

സാധാരണയാത്രക്കാരോടെന്നപോലെയല്ല തൊഴിലാളികളോട് റെയിൽവേ പെരുമാറുന്നതെന്ന് അഭിഭാഷക ഇന്ദിര ജയ്സിംഗ് വാദിച്ചു. ട്രെയിൻ സമയം രണ്ടാഴ്‌ച മുമ്പ് അറിയിക്കണം. ടിക്കറ്റുകൾ മുൻകൂർ എടുക്കാൻ സൗകര്യം നൽകണം. അപ്പോൾ തൊഴിലാളികളുടെ യാത്ര സുഗമമാകുമെന്നും അവർ പറഞ്ഞു.

കേരളത്തിന് വേണ്ടി അഡ്വ. ജി.പ്രകാശാണ് ഹാജരായത്.

​ശ്ര​മി​ക് ​ട്രെ​യി​നി​ൽ​ ​
ആ​രും​ ​മ​രി​ച്ചി​ല്ലെ​ന്ന് കേന്ദ്രം
ശ്ര​മി​ക് ​ട്രെ​യി​നു​ക​ളി​ൽ​ ​ഒ​രു​ ​തൊ​ഴി​ലാ​ളി​പോ​ലും​ ​ഭ​ക്ഷ​ണ​മോ​ ​വെ​ള്ള​മോ​ ​മ​രു​ന്നോ​ ​കി​ട്ടാ​തെ​ ​മ​രി​ച്ചി​ട്ടി​ല്ലെ​ന്ന് ​കേ​ന്ദ്ര​ത്തി​നാ​യി​ ​സോ​ളി​സി​റ്റ​ർ​ ​ജ​ന​റ​ൽ​ ​തു​ഷാ​ർ​ ​മേ​ത്ത​ ​കോ​ട​തി​യെ​ ​അ​റി​യി​ച്ചു.​ ​മ​രി​ച്ച​വ​ർ​ ​മു​ൻ​പ് ​അ​സു​ഖ​മു​ണ്ടാ​യി​രു​ന്ന​വ​രാ​ണ്.​ ​സം​സ്ഥാ​ന​ങ്ങ​ൾ​ ​ആ​വ​ശ്യ​പ്പെ​ടു​ന്ന​ത് ​അ​നു​സ​രി​ച്ചേ​ ​ട്രെ​യി​ൻ​ ​അ​നു​വ​ദി​ക്കാ​നാ​കൂ.​ ​അ​ല്ലെ​ങ്കി​ൽ​ ​സാ​മൂ​ഹി​ക​ ​അ​ക​ലം​ ​പാ​ലി​ക്കാ​തെ​ ​തൊ​ഴി​ലാ​ളി​ക​ൾ​ ​കൂ​ട്ട​ത്തോ​ടെ​ ​സ്റ്റേ​ഷ​നി​ലെ​ത്തും.​ ​എ​ത്ര​ ​തൊ​ഴി​ലാ​ളി​ക​ളെ​ ​എ​ത്തി​ക്കാ​നു​ണ്ടെ​ന്നും​ ​എ​ത്ര​ ​ട്രെ​യി​നു​ക​ൾ​ ​വേ​ണ​മെ​ന്നും​ ​സം​സ്ഥാ​ന​ ​സ​ർ​ക്കാ​രു​ക​ൾ​ക്കേ​ ​പ​റ​യാ​നാ​വൂ​ ​എ​ന്നും​ ​അ​ദ്ദേ​ഹം​ ​അ​റി​യി​ച്ചു.​

കൂ​ടു​ത​ൽ​ ​ക്യാ​മ്പു​കൾകേ​ര​ള​ത്തിൽ
ലോ​ക്ക് ​ഡൗ​ണി​നി​ടെ​ ​ദു​രി​ത​ത്തി​ലാ​യ​ ​അ​ന്യ​സം​സ്ഥാ​ന​ത്തൊ​ഴി​ലാ​ളി​ക​ളെ​ ​പു​ന​ര​ധി​വ​സി​പ്പി​ക്കാ​ൻ​ ​ഏ​റ്റ​വും​ ​കൂ​ടു​ത​ൽ​ ​ദു​രി​താ​ശ്വാ​സ​ ​ക്യാ​മ്പു​ക​ൾ​ ​ഒ​രു​ക്കി​യ​ത് ​കേ​ര​ള​ത്തി​ലെ​ന്ന് ​ചീ​ഫ് ​ലേ​ബ​ർ​ ​ക​മ്മി​ഷ​ണ​ർ​ ​റ​പ്പോ​ർ​ട്ട്.​ ​സാ​മൂ​ഹി​ക​ ​പ്ര​വ​ർ​ത്ത​ക​ൻ​ ​വെ​ങ്ക​ടേ​ഷ് ​നാ​യി​ക് ​വി​വ​രാ​വ​കാ​ശ​ ​നി​യ​മ​ ​പ്ര​കാ​രം​ ​സ​മ​ർ​പ്പി​ച്ച​ ​അ​പേ​ക്ഷ​യ്ക്കു​ള്ള​ ​മ​റു​പ​ടി​യി​ലാ​ണ് ​ഇ​ക്കാ​ര്യം​ ​കേ​ന്ദ്ര​ ​ചീ​ഫ് ​ലേ​ബ​ർ​ ​ക​മ്മി​​ഷ​ണ​റുടെ​ ​മ​റു​പ​ടി.​ ​ഷെ​ൽ​ട്ട​ർ​ ​ഹോ​മു​ക​ളും​ ​ദു​രി​താ​ശ്വാ​സ​ ​ക്യാ​മ്പു​ക​ളു​മാ​യി​ 1,​ 34,​ 3​ 84​ ​സ്ഥ​ല​ങ്ങ​ളാ​ണ് ​കേ​ര​ളം​ 2,​ 86,846​ ​അ​ന്യ​സം​സ്ഥാ​ന​ത്തൊ​ഴി​ലാ​ളി​ക​ൾ​ക്കാ​യി​ ​ഒ​രു​ക്കി​യ​തെ​ന്ന് ​മ​റു​പ​ടി​യി​ൽ​ ​പ​റ​യു​ന്നു.