ന്യൂഡൽഹി: സ്കൂളുകളിൽ പഠന സമയവും സിലബസും കുറയ്ക്കാൻ ആലോചിക്കുന്നതായി കേന്ദ്ര മാനവ വിഭവ ശേഷി വകുപ്പ് മന്ത്രി രമേശ് പൊഖ്രിയാൽ പറഞ്ഞു. വിദ്യാഭ്യാസ സെക്രട്ടറിമാരുമായി നടത്തിയ ചർച്ചയ്ക്ക് ശേഷമാണ് ഇത്തരമൊരു നീക്കത്തെക്കുറിച്ച് ആലോചിക്കുന്നതായി മന്ത്രി വ്യക്തമാക്കിയത്. വിഷയത്തിൽ അദ്ധ്യാപകരോടും വിദ്യാഭ്യാസ വിദഗ്ദ്ധരോടും സമൂഹ മാദ്ധ്യമങ്ങളിൽ അഭിപ്രായങ്ങൾ പങ്കുവയ്ക്കാനും അദ്ദേഹം ആവശ്യപ്പെട്ടിട്ടുണ്ട്. കൊവിഡ് 19ന്റെ പശ്ചാത്തലത്തിൽ വിദ്യാർത്ഥികളുടെ സുരക്ഷയും ഓൺലൈൻ പഠനം ഉറപ്പാക്കുന്നതും കൂടിക്കാഴ്ചയിൽ ചർച്ചയായി.