ന്യൂഡൽഹി: രാജ്യത്തെ കൊവിഡ് ബാധിതരുടെ എണ്ണം 3.50 ലക്ഷം പിന്നിട്ടു. ആകെ മരണം പതിനായിരം കടന്നു. ജൂൺ 1 മുതൽ 15 വരെ 4512 മരണങ്ങളുണ്ടായി. പ്രതിദിനം മുന്നൂറിലേറെ മരണം. അതേസമയം 24 മണിക്കൂറിനിടെ10,215 പേർക്ക് കൂടി രോഗം ഭേദമായി. രോഗമുക്തി 52.47 ശതമാനമായി ഉയർന്നു. ഇതുവരെ 1,​80,​012 പേർക്ക് രോഗംഭേദമായി.
രാജ്യത്ത് പ്രതിദിനം മൂന്നുലക്ഷം സാമ്പിളുകൾ പരിശോധിക്കാനുള്ള സൗകര്യം ഒരുക്കിയതായി കേന്ദ്രം അറിയിച്ചു. ലാബുകളുടെ എണ്ണം 907 ആയി.
ഇതുവരെ 59,21,069 സാമ്പിളുകൾ പരിശോധിച്ചു. 1,54, 935 സാമ്പിളുകൾ 24 മണിക്കൂറിനിടെ പരിശോധിച്ചു.

 തമിഴ്‌നാട്ടിൽ 1515 പുതിയ കേസുകളും 49 മരണവും. ആകെ കേസുകൾ 48,019. മരണം 528.

ഗുജറാത്തിൽ 524 പുതിയ രോഗികളും 28 മരണവും. ആകെ കേസുകൾ 24,268. പശ്ചിമബംഗാളിൽ 415 പുതിയ രോഗികളും 10 മരണവും.

യു.പിയിൽ 507 പുതിയ രോഗികളും 18 മരണവും.

മദ്ധ്യപ്രദേശിലെ ഇൻഡോർ നഗരത്തിൽ ആകെ കേസുകൾ നാലായിരം കടന്നു.
 ഒഡിഷയിൽ 108 പുതിയ രോഗികൾ, ഗോവയിൽ 37 , മണിപ്പൂർ 10, പഞ്ചാബ് 104, കർണാടകയിൽ 317

 അമേരിക്ക നൽകിയ 100 വെന്റിലേറ്റുകൾ ഇന്ത്യയിലെത്തി

 സുപ്രീംകോടതി അഭിഭാഷകൻ രാജീവ് നയ്യാറിന്റെ ക്ലർക്ക് വിനോദ്കുമാർ കൊവിഡ് ബാധിച്ച് മരിച്ചു
കർണാടക ബല്ലാരി തൊറംഗലിലെ ജിൻഡാൽ സ്റ്റീൽ പ്ലാന്റ് കൊവിഡ് ക്ലസ്റ്ററായി. 134 പേർക്കാണ് ഈ പ്ലാന്റുമായി ബന്ധപ്പെട്ട് രോഗം ‌സഥിരീകരിച്ചത്.
ഉത്തർപ്രദേശ് മുഖ്യമന്ത്രിയുടെ ഹെൽപ്പ് ലൈൻ സെന്ററിൽ പ്രവർത്തിക്കുന്ന 80 പേർക്ക് കൊവിഡ്.