പറവൂർ: പ്രളയാനന്തര പുനർനിർമ്മാണത്തിന്റെ ഭാഗമായി പുനർജനി പറവൂരിന് പുതുജീവൻ പദ്ധതിയിൽ വടക്കേക്കര പഞ്ചായത്തിലെ പാല്യത്തുരുത്ത് കുറ്റിപ്പിള്ളിശ്ശേരിൽ പ്രസീദയുടെ കുടുംബത്തിന് നിർമ്മിച്ച വീടിന്റെ താക്കോൽദാനം വി.ഡി.സതീശൻ എം.എൽ.എ നിർവഹിച്ചു. കൊച്ചിൻ ജോഷ്വാജനറേഷൻ മിനസ്ട്രീസിന്റെ സാമ്പത്തിക സഹകരണത്തോടെയാണ് വീട് നിർമ്മിച്ചത്. പറവൂർ കാർഷിക വികസന ബാങ്ക് പ്രസിഡന്റ് എ.ഡി. ദിലീപ്കുമാർ, ബ്ളോക്ക് പഞ്ചായത്തംഗം പി.ആർ. സൈജൻ, അനിൽ ഏലിയാസ്, കെ.കെ. ഗിരീഷ്, എം.ഡി. മധുലാൽ, പി.എസ്. രഞ്ജിത്ത്, വിനിൽ ആന്റണി, ടി.ഡി. ജോസഫ് തുടങ്ങിയവർ പങ്കെടുത്തു.