കോതമംഗലം: ലോക്ക് ഡൗൺ മൂലം ദുരിതത്തിലായ ലോട്ടറി വില്പനക്കാർക്ക് എന്റെ നാട് ജനകീയ കൂട്ടായ്മ പലിശരഹിത വായ്പ നൽകി. ഭിന്നശേഷിക്കാരായ ലോട്ടറി കച്ചവടക്കാർക്കാണ് ആദ്യ പരിഗണന നൽകിയത്. ആദ്യഘട്ടത്തിൽ 3000 രൂപയും രണ്ടാംഘട്ടമായി 5000 രൂപയും നൽകും. ആറുമാസം കൊണ്ട് തുല്യതവണകളായി തിരിച്ചടച്ചാൽ മതി.

ഫണ്ടിന്റെ വിതരണോദ്ഘാടനം എന്റെ നാട് ചെയർമാൻ ഷിബു തെക്കുംപുറം നിർവഹിച്ചു. കെ.പി. കുര്യാക്കോസ്, ജോർജ് കുര്യയ്പ്പ്, റീന സോണി തുടങ്ങിയവർ പങ്കെടുത്തു. കേരളത്തിൽ ആദ്യമായി എന്റെ നാടാണ് ദുരിതകാലത്ത് ലോട്ടറി വില്പനക്കാർക്ക് പലിശരഹിത വായ്പ നൽകുന്നത്.