കൊച്ചി: ഓൺലൈൻ റിലീസിന് താൽപര്യം പ്രകടിപ്പിക്കാതെ മലയാള സിനിമ. ജയസൂര്യ നായകനാകുന്ന സൂഫിയും സുജാതയും മറ്റൊരു ലോ ബഡ്ജറ്റ് ചിത്രവും മാത്രമേ ഇതി​നായി​ രംഗത്തുള്ളൂ.
ഓൺലൈൻ റിലീസിന് തയ്യാറെങ്കി​ൽ മേയ് 31ന് മുമ്പ് അറിയിക്കണമെന്ന് കേരള ഫിലിം ചേംബർ ഒഫ് കൊമേഴ്‌സ് നി​ർദേശി​ച്ചി​രുന്നെങ്കി​ലും ചിത്രീകരണം പൂർത്തിയാക്കിയ 66 ചിത്രങ്ങളും തി​യറ്റർ റി​ലീസി​നാണ് താല്പര്യപ്പെട്ടത്.

ഒ.ടി.ടി പ്ലാറ്റ്‌ഫോമിൽ സിനിമകൾ റിലീസ് ചെയ്യുന്നത് തടയേണ്ടെന്നും പകരം ആ ചിത്രങ്ങൾ തിയേറ്ററിൽ കാട്ടേണ്ടെന്നും കഴിഞ്ഞ ദിവസം വിവിധ സംഘടനകളുമായി ചർച്ച നടത്തിയ ശേഷം ഫിലിം ചേംബർ തീരുമാനി​ച്ചി​രുന്നു. കൂടുതൽ ചിത്രങ്ങൾ വി​സമ്മതി​ച്ച സാഹചര്യത്തിൽ ഓൺലൈൻ റിലീസി​ന് മാനദണ്ഡങ്ങൾ തത്ക്കാലം ചർച്ച ചെയ്യേണ്ടെന്നാണ് ചേംബറിന്റെ നി​ലപാട്.