പറവൂർ : പുനർജനി പറവൂരിന് പുതുജീവൻ പദ്ധതിയിൽ പ്രളയാനന്തര പുനർനിർമ്മാണ പ്രവർത്തനങ്ങളുടെ ഭാഗമായി വടക്കേക്കര ഗ്രാമപഞ്ചായത്തിലെ മാല്യങ്കര തയ്യിൽ ടി.കെ. സാബുവിന്റെ കുടുംബത്തിന് നിർമ്മിച്ചു നൽകുന്ന വീടിന്റെ തറക്കല്ലിടൽ വി.ഡി. സതീശൻ എം.എൽ.എ നിർവഹിച്ചു. ഹാബിറ്റാറ്റ് ഫോർ ഹ്യൂമാനിറ്റി ഇന്ത്യയുടെ സാമ്പത്തിക സഹായത്തോടെ കോട്ടപ്പുറം കിഡ്സാണ് നിർമ്മാണം നടത്തുന്നത്. ഹാബിറ്റാറ്റ് ഫോർ ഹ്യൂമാനിറ്റി ഇന്ത്യ ഡയറക്ടർ പ്രവീൺ പോൾ, കിഡ്സ് ഡയറക്ടർ ഫാ. പോൾ തോമസ് കളത്തിൽ, പി.ആർ. സൈജൻ, പി.എസ്. രഞ്ജിത്ത്, എ.ഡി. ദിലീപ്കുമാർ, കെ.ആർ. ശ്രീരാജ്, സജയ് മാല്യങ്കര തുടങ്ങിയവർ പങ്കെടുത്തു.