കിഴക്കമ്പലം: കൊവിഡ് പ്രതിരോധ പ്രവർത്തനങ്ങളിൽ സജീവമായി പങ്കെടുത്ത പട്ടിമറ്റം ഫയർഫോഴ്സിനെ ലോക് ജൻശക്തി പാർട്ടിയുടെ ആഭിമുഖ്യത്തിൽ ആദരിച്ചു. എല്ലാ ജീവനക്കാർക്കും ഭക്ഷ്യധാന്യ കി​റ്റുകൾ നൽകി. മഴക്കാലപൂർവ പ്രതിരോധ പ്രവർത്തനങ്ങളുടെ ഭാഗമായി സ്റ്റേഷനും പരിസരവും വൃത്തിയാക്കി. കൊവിഡ് കാലയളവിൽ പട്ടിമ​റ്റത്തെ ഫയർഫോഴ്സ് ജീവനക്കാർ നൂറോളം രോഗികൾക്ക് അവശ്യമരുന്നുകൾ എത്തിച്ചു നൽകിയിരുന്നു. ഫയർസ്റ്റേഷനിൽ നടന്ന ചടങ്ങിൽ ഓഫീസർ ടി.സി. സാജു, ലോക്ജനശക്തി പാർട്ടി സംസ്ഥാന വൈസ് പ്രസിഡന്റ് സാജു വടശേരി, സെക്രട്ടറിമാരായ ജേക്കബ് പീ​റ്റർ, പി.എച്ച്. രാമചന്ദ്രൻ, ജില്ലാ ഭാരവാഹികളായ ലെനിൻ മാത്യു, ടി.എൻ. അശോകൻ, അജിത് കടുവാൾ, ബിജു പെരുമ്പാവൂർ തുടങ്ങിയവർ പങ്കെടുത്തു