ആലുവ: സാമൂഹി​ക അകലം പാലിക്കാതെ നാട്ടിലേക്ക് പോകുന്നതിനുള്ള രജിസ്ട്രേഷനായി തിക്കിതിരക്കിയ അന്യസംസ്ഥാനക്കാരെ പൊലീസ് വിരട്ടിയോടിച്ചു. പിന്നീട് ക്യൂ ഏർപ്പെടുത്തിയെങ്കിലും നി​യന്ത്രണങ്ങളൊന്നും പാലിക്കപ്പെട്ടില്ല.

ഇന്നലെ തോട്ടക്കാട്ടുകര പ്രിയദർശിനി ടൗൺ ഹാളിലായിരുന്നു രജിസ്ട്രേഷൻ. നൂറുകണക്കിന് അന്യസംസ്ഥാനക്കാർ പല ഭാഗത്ത് നിന്നായി എത്തിയതോടെ എല്ലാം അവതാളത്തിലായി.

മാസ്ക് പോലും ധരിക്കാതെ രജിസ്ട്രേഷൻ കൗണ്ടറിൽ കൂട്ടം കൂടിയതോടെയാണ് നാട്ടുകാർ പൊലീസി​നെ അറി​യി​ച്ചത്.

പൊലീസ് വിരട്ടിയതോടെ ചിതറിയോടിയവർ രംഗം ശാന്തമായപ്പോൾ തിരിച്ചെത്തിയെങ്കിലും സാമൂഹി​ക അകലം പാലിച്ച് ക്യൂ നി​ൽക്കാൻ തയ്യാറായില്ല.