പനങ്ങാട്: പുത്തൻപുരയിൽ പി.കെ.പങ്കജാക്ഷമേനോന് (77) മുടങ്ങിക്കിടന്ന 20 മാസത്തെ വ്യാപാരി വ്യവസായി ക്ഷേമപെൻഷൻ ഇന്നലെ എസ്.ബി.ഐ പനങ്ങാട് ശാഖ വഴി കി​ട്ടി​. 1500 രൂപയാണ് പ്രതിമാസ പെൻഷൻ തുക.

പെൻഷൻ കുടിശികയ്ക്ക് വേണ്ടി പരാതിയുമായി നടന്ന് ചെരിപ്പു തേഞ്ഞകഥ കേരളകൗമുദി കഴിഞ്ഞമാസം 31ന് പ്രസിദ്ധീകരിച്ചിരുന്നു. 50 വർഷത്തിലേറെ പനങ്ങാട് ചായക്കട നടത്തി പ്രായധിക്യവും ആരോഗ്യപ്രശ്നങ്ങളും നിമിത്തം കച്ചവടം നിർത്തി വി​ശ്രമജീവി​തത്തി​ലാണ് പങ്കജാക്ഷൻ. മറ്റ് വരുമാനമൊന്നുമില്ലാത്ത ഇദ്ദേഹത്തി​ന് തുടർച്ചയായി പെൻഷൻ മുടങ്ങി​യത് ജീവിതത്തെ ഉലച്ചു. ക്ഷേമനിധി ആഫീസ് തിരുവനന്തപുരത്തായതിനാൽ അന്വേഷിച്ച് പോകാൻ പറ്റി​യ ആരോഗ്യമോ സാമ്പത്തി​കമോ ഇല്ലാത്ത സാഹചര്യത്തിൽ വി​ഷമി​ച്ചി​രി​ക്കുകയായി​രുന്നു അദ്ദേഹം. കേരളകൗമുദിയിലൂടെ സങ്കടം സർക്കാരിന്റെ ശ്രദ്ധയിൽപ്പെട്ടതി​ന് പിന്നാലെയാണ്

ഇന്നലെ ബാങ്ക് അക്കൗണ്ടിൽ പെൻഷൻ തുകയെത്തിയത്.