കൊച്ചി : നരേന്ദ്രമോദി സർക്കാരിന്റെ രണ്ടാമൂഴത്തിലെ ഒന്നാംവാർഷിക ദിനത്തോട് അനുബന്ധിച്ച് എറണാകുളം മണ്ഡലത്തിൽ അയ്യപ്പൻകാവ് മേഖലയിൽ നടത്തിയ ജനസമ്പർക്കപരിപാടിയിൽ ബി.ജെ.പി സംസ്ഥാന ജനറൽ സെക്രട്ടറി എം.ടി. രമേശ് പങ്കെടുത്തു. ലഘുലേഖകൾ ശ്രീനാരായണ ധർമ്മസമാജം മുൻ പ്രസിഡന്റ് ശോഭനൻ, അഡ്വ. ശാന്തി എന്നിവർക്ക് കൈമാറി. അയ്യപ്പൻകാവ് ഏരിയ പ്രസിഡന്റ് പ്രദീപ് നാരായണൻ, ജനറൽ സെക്രട്ടറി രാജേഷ് ബാബു, വൈസ് പ്രസിഡന്റ് ബിജോയ് കെ.വി, കമ്മിറ്റി അംഗം അജയ്ഘോഷ് എന്നിവർ സന്നിഹിതരായിരുന്നു.