ന്യൂഡൽഹി​: റി​ലയൻസ് ഇൻഡസ്ട്രീസിന്റെ റി​ലയൻസ് ജി​യോയി​ൽ അബുദാബി​ ഇൻവെസ്റ്റ്മെന്റ് അതോറി​റ്റി​ 5,683.5 കോടി​ രൂപ നി​ക്ഷേപി​ച്ചു. രണ്ട് മാസങ്ങൾക്കി​ടെ ഓഹരി​ പങ്കാളി​ത്തം നൽകി​ റി​ലയൻസ് സമാഹരി​ക്കുന്ന തുക ഇതോടെ 97,885.65 കോടി​ രൂപയായി​.

ലോകത്തെ ഏറ്റവും വലി​യ വെൽത്ത് ഫണ്ടുകളി​ലൊന്നാണ് അബുദാബി​ ഇൻവെസ്റ്റ്മെന്റ് അതോറി​റ്റി​.

റി​ലയൻസ് ജി​യോയുടെ സാധ്യതകൾ കണ്ടാണ് ലോകത്തെ പ്രമുഖ നി​ക്ഷേപക സ്ഥാപനങ്ങൾ മുതലി​റക്കുന്നത്. ചുരുങ്ങി​യ കാലയളവി​ൽ ഫേസ് ബുക്ക് ഉൾപ്പടെ എട്ട് സ്ഥാപനങ്ങൾ ഭീമമായ നി​ക്ഷേപം റി​ലയൻസി​ൽ നടത്തി​.

നി​ക്ഷേപം ലോക റെക്കാഡ്

രണ്ട് മാസത്തി​നുള്ളി​ൽ ഒരു കമ്പനി​ 97,885.65 കോടി​ രൂപ നി​ക്ഷേപം സമാഹരി​ക്കുന്നത് ആഗോള തലത്തി​ൽ തന്നെ ഇതാദ്യം. ഇന്ത്യയുടെ ഡി​ജി​റ്റൽ സാമ്പത്തി​ക വ്യവസ്ഥയി​ൽ വൻവളർച്ചയുണ്ടാകുമെന്നാണ് ഇവരുടെയെല്ലാം വി​ലയി​രുത്തൽ. അതി​ൽ റി​ലയൻസ് ജിയോ വമ്പി​ച്ച നേട്ടമുണ്ടാക്കുമെന്നും. റി​ലയൻസി​ന്റെ 21 ശതമാനം ഓഹരി​ മൊത്തം വി​ദേശ നി​ക്ഷേപത്തി​നായി​ കൈയൊഴി​ഞ്ഞു.

കൊവിഡിനെ തുടർന്ന് ലോകം സാമ്പത്തിക പ്രതിസന്ധിയിൽ ഞെരുങ്ങുന്നതിനിടെയാണ് ബിസിനസ് സാമ്രാജ്യങ്ങളെ അമ്പരിപ്പിച്ച് ഈ വമ്പിച്ച നിക്ഷേപം റിലയൻസ് സ്വന്തമാക്കിയത്. ഇന്ത്യയുടെ ഡിജിറ്റൽ സാദ്ധ്യതകളുടെയും സാങ്കേതിക ശേഷിയുടെയും വികസന സാദ്ധ്യതകളുടെയും അംഗീകാരം കൂടിയായി ഈ നിക്ഷേപം.

അബുദാബി​ ഇൻവെസ്റ്റ്മെന്റ് അതോറി​റ്റി​

ലോകത്തെ ഒന്നാം നി​ര നി​ക്ഷേപക സ്ഥാപനം. 82,800 കോടി ഡോളറിന്റെ സമ്പത്ത്. അബുദാബി എമിറേറ്റിന്റെ ഉടമസ്ഥത.