കോതമംഗലം: കൊവിഡ്-19 ന്റെ പശ്ചാതലത്തിൽ കൊവിഡ് രോഗനിർണയവുമായി ബന്ധപ്പെട്ട് കൊവിഡ് സാംപിൾ കളക്ഷൻ യൂണിറ്റിൻെ പ്രവർത്തനം ഇന്ന് മുതൽ കോതമംഗലം താലൂക്ക് ആശുപത്രിയിൽ ആരംഭിക്കുമെന്ന് ആന്റണി ജോൺ എം.എൽ.എ അറിയിച്ചു.ആശുപത്രിയിലെ പേ വാർഡിന് മുന്നിലുള്ള സ്ഥലമാണ് ഇതിനായി ഒരുക്കിയിരിക്കുന്നത്. ആശുപത്രിയിൽ എത്തുന്ന മറ്റ് രോഗികളുമായി സമ്പർക്കത്തിൽ വരാത്ത വിധത്തിലാണ് യൂണിറ്റ് സജ്ജമാക്കിയിട്ടുള്ളത്.കൊവിസ് 19 പ്രകാരം ആരോഗ്യവകുപ്പ് നിശ്ചയിച്ചിട്ടുള്ള മാനദണ്ഡപ്രകാരമുള്ള ആളുകളുടെ സ്രവം മാത്രമേ ശേഖരിക്കുകയുള്ളു. സ്രവം ശേഖരിക്കുന്ന ഡോക്ടർക്കും നേഴ്സിനും ആവശ്യമായ പി. പി. ഐ കിറ്റും ആശുപത്രിയിൽ സജ്ജമാക്കിയിട്ടുണ്ട്.നിലവിൽ ആലുവയിലോ മൂവാറ്റുപുഴയിലോ ഉള്ള കളക്ഷൻ സെന്ററിൽ എത്തതണമായിരുന്നു സ്രവ പരിശോധനയ്ക്ക്. സ്രവ പരിശോധനകൾ ഊർജിതമാക്കുന്ന സാഹചര്യത്തിൽ താലൂക്ക് ആശുപത്രിയിൽ കളക്ഷൻ യൂണിറ്റ് ആരംഭിക്കുന്നത് ജനങ്ങൾക്ക് ഏറെ പ്രയോജനകരമായിരിക്കുമെന്ന് എം.എൽ.എ പറഞ്ഞു.