കോലഞ്ചേരി: വീട്ടൂർ എബനേസർ ഹയർ സെക്കൻഡറി സ്കൂളിലെ വിദ്യാർത്ഥികൾക്ക് സൗജന്യമായി ടി.വിയും മൊബൈൽ ഫോണും നൽകി. ഓൺലൈൻ പഠനത്തിനായി ഇവ സ്വന്തമായി ഇല്ലാത്ത നിർദ്ധനരായ 11 വിദ്യാർത്ഥികൾക്കാണ് നൽകിയത്. സ്കൂൾ മാനേജർ, എൻ.എസ്.എസ്,എസ്.പി.സി എന്നിവരുടെ സഹകരണത്തോടെയാണ് പദ്ധതി നടപ്പാക്കിയത്. കുന്നത്തുനാട് പൊലീസ് സബ്ബ് ഇൻസ്‌പെക്ടർ കെ.ടി. ഷൈജൻ ഉദ്ഘാടനം ചെയ്തു. സ്കൂൾ മാനേജർ സി.കെ ഷാജി അദ്ധ്യക്ഷനായി.ഹെഡ്മിസ്ട്രസ് അനിത കെ.നായർ, പ്രിൻസിപ്പൽ ബിജു കുമാർ, പി.ടി.എ പ്രസിഡന്റ് എം.ടി ജോയി, മഞ്ജു രാജു, ലക്ഷ്മീദേവി, ജീമോൾ കെ. ജോർജ് എന്നിവർ സംബന്ധിച്ചു.