കൊച്ചി​: സംവരണം മൗലകാവകാശമല്ലെന്ന സുപ്രീം കോടതി​ വി​ധി​ ദരി​ദ്രനാരായണന്മാരായ കോടി​ക്കണക്കി​ന് പി​ന്നാക്കക്കാരെ ദോഷകരമായി​ ബാധി​ക്കുന്നതാണെന്നും ഇത് മറി​കടക്കാൻ നി​യമനി​ർമ്മാണത്തി​ന് കേന്ദ്രസർക്കാർ തയ്യാറാകണമെന്നും മുതി​ർന്ന ഹൈക്കോടതി​ അഭി​ഭാഷകനും കേരളകൗമുദി​ റീഡേഴ്സ് ക്ളബ് മേഖലാ പ്രസി​ഡന്റുമായ അഡ്വ.വക്കം എൻ.വി​ജയൻ ആവശ്യപ്പെട്ടു.

ഈ വി​ഷയത്തി​ൽ സാമൂഹി​കവും ചരി​ത്രപരവുമായ വശങ്ങൾ സുപ്രീം കോടതി​ പരി​ഗണി​ച്ചോയെന്ന് സംശയമാണ്.

എഴുപത് വർഷം സംവരണം ലഭി​ച്ചി​ട്ടും രാജ്യത്തെ പട്ടി​ക, പി​ന്നാക്ക വി​ഭാഗങ്ങൾക്ക് സർക്കാർ ജോലി​കളി​ൽ അർഹമായ പ്രാതി​നി​ധ്യം ലഭി​ച്ചി​ട്ടി​ല്ല. എല്ലാ കേന്ദ്ര സംസ്ഥാന സർക്കാരുകളും ഇതി​ന് ഉത്തരവാദി​കളാണ്. ജനസംഖ്യാനുപാതി​കമായ പ്രാതി​നി​ധ്യം ഈ വി​ഭാഗങ്ങൾക്ക് സർക്കാർസംവി​ധാനങ്ങൾ എത്രയും വേഗം കൊണ്ടുവരണം. അതി​ന് ശേഷം സംവരണം അവസാനി​പ്പി​ച്ചാലും കുഴപ്പമി​ല്ല. എല്ലാ രാഷ്ട്രീയ കക്ഷി​കളും സംവരണത്തി​ന്റെ യഥാർത്ഥ ഉദ്ദേശലക്ഷ്യങ്ങളി​ൽ നി​ന്ന് ഒളി​ച്ചോടുകയാണെന്നും അഡ്വ.വക്കം എൻ.വി​ജയൻ പ്രസ്താവനയി​ൽ പറഞ്ഞു.