മൂവാറ്റുപുഴ: കാർഷിക സ്വയം പര്യാപ്തത ലക്ഷ്യമിട്ട് യുവകർഷകരെ പ്രോത്സാഹിപ്പിക്കുന്നതിനായി ഡീൻ കുര്യാക്കോസ് എം.പി നേതൃത്വം നൽകുന്ന ഇടുക്കി കെയർ ഫൗണ്ടേഷന്റെ എം.പിസ് യൂത്ത് അഗ്രോമിഷൻ പദ്ധതിയുടെ മൂവാറ്റുപുഴ നിയോജകമണ്ഡല തല ഉദ്ഘാടനം ആയവനയിൽ ഡീൻ കുര്യാക്കോസ് എം.പി നിർവഹിച്ചു. ഫൗണ്ടേഷൻ ആയവന കൺവീനർ ജെയിംസ് എൻ.ജോഷി അദ്ധ്യക്ഷത വഹിച്ചു. ഡി.കെ.ടി.എഫ് സംസ്ഥാന പ്രസിഡന്റ് ജോയി മാളിയേക്കൽ, മൂവാറ്റുപുഴ ബ്ലോക്ക് പഞ്ചായത്ത് വൈസ് പ്രസിഡന്റ് സുഭാഷ് കടയ്‌ക്കോട്, യൂത്ത് കോൺഗ്രസ് നിയോജക മണ്ഡലം പ്രസിഡന്റ് സമീർ കോണിക്കൽ, കോൺഗ്രസ് മണ്ഡലം പ്രസിഡന്റ് ജീമോൻ പോൾ, ജലീൽ പി.കെ, താരിഖ് അസിസ്, സുബിൻ ജോസ്, സിജോ ജോൺ, അജയ് വെട്ടിയാങ്കൽ, ഷോൺ ജോഷി തുടങ്ങിയവർ പങ്കെടുത്തു. കാർഷിക മേഖലയിലൂടെ നാടിന്റെ സ്വയംപര്യാപ്തത ലക്ഷ്യംവച്ചും ഉദ്പാദന മേഖലയിലേക്ക് യുവാക്കളെ കൂടുതൽ കർമ്മ നിരതരാക്കുവാനും ലക്ഷ്യമിട്ട് ആവിഷ്‌കരിച്ച് നടപ്പിലാക്കുന്ന നൂതന പദ്ധതിയാണ് എം.പി'സ് യൂത്ത് ആഗ്രോമിഷൻ. തരിശുഭൂമികൾ കണ്ടെത്തിയും ലാഭകരമല്ലാത്തതിനാൽ കൃഷി ചെയ്യാതെ കർഷകരുടെ കൈവശത്തിലിരിക്കുന്നതുമായ കൃഷിയിടങ്ങളിലും യുവാക്കളുടെ സഹായത്തോടെ പുതുതായി കൃഷിയിറക്കുകയാണ് ലക്ഷ്യം. കൃഷിക്കാവശ്യമായ വിത്തുകളും മറ്റ് സാങ്കേതിക സഹായങ്ങളും യൂത്ത് അഗ്രോമിഷൻ നൽകും. നെല്ല് വാഴ, മരച്ചീനി, പച്ചക്കറി ഇനങ്ങൾ എന്നിവയാണ് പ്രധാനമായും കൃഷിചെയ്യാൻ ഉദ്ദേശിക്കുന്നത്.