പിറവം: മണീട് മൃഗാശുപത്രിയുടെ കാലപ്പഴക്കം ചെന്ന പഴയ കെട്ടിടത്തിന് പകരം പുതിയ കെട്ടിടം നിർമ്മിക്കുന്നതിനുള്ള നടപടി ക്രമങ്ങൾ പൂർത്തിയായതായി അനൂപ് ജേക്കബ് എം.എൽ.എ അറിയിച്ചു. എഴുപത്തിരണ്ട് ലക്ഷത്തി ഇരുപതിനായിരം രൂപയുടെ എസ്റ്റിമേറ്റാണ് ഭരണാനുമതിക്കായി സമർപ്പിച്ചിരിക്കുന്നത്. 2020-2021 സാമ്പത്തിക വർഷത്തിൽ ബജറ്റിൽ ഉൾപ്പെടുത്തുന്നതിനായി 75 ലക്ഷം രൂപയുടെ അനുമതി ആവശ്യപ്പെട്ടിരുന്നു. ശോചനീയാവസ്ഥ ചൂണ്ടിക്കാട്ടി മൃഗ സംരക്ഷണ വകുപ്പ് മന്ത്രിക്ക് നിവേദനവും നൽകിയിരുന്നു. മണീട് പഞ്ചായത്ത് പ്രസിഡന്റ് ശോഭ ഏലിയാസ്, പഞ്ചായത്ത് വൈസ് പ്രസിഡന്റ് വി.ജെ ജോസഫ് എന്നിവർ നൽകിയ നിവേദനത്തിന്റെ അടിസ്ഥാനത്തിലാണ് പുതിയ കെട്ടിടം നിർമ്മിക്കുന്നതിനുള്ള തുടർ നടപടികൾ സ്വീകരിച്ചത്. റെഡിമെയ്ഡ് സെ്ര്രപിക് ടാങ്ക്, മഴ വെള്ള സംഭരണി എന്നീ സൗകര്യങ്ങളോട് കൂടിയായിരിക്കും പുതിയ കെട്ടിടം നിർമ്മിക്കുന്നത്.