കൊച്ചി: കേരളത്തിലെ നിർദ്ധനരായ വിദ്യാർത്ഥികൾക്ക് ഓൺലൈൻ വിദ്യാഭ്യാസത്തിന് ആവശ്യമായ പഠനോപകരണങ്ങൾ നൽകാൻ കേരളത്തിലെ ഗൃഹോപകരണ വ്യാപാരികളുടെ സംഘടനയായ ഡീലേഴ്സ് അസോസിയേഷൻ ഒഫ് ടി.വി ആൻഡ് അപ്ളയൻസസ് (ഡാറ്റ കേരള).

സംസ്ഥാനമൊട്ടാകെ 500 ടി​.വി​കൾ വി​ദ്യാർത്ഥി​കൾക്ക് നൽകും. ഈ ബൃഹദ് പദ്ധതി​യുടെ എറണാകുളം ജി​ല്ലാതല ഉദ്ഘാടനം ഇന്ന് (ചൊവ്വ) നടക്കും. പത്ത് പേർക്കാണ് ആദ്യഘട്ടമായി​ നൽകുക. ലോക്ക് ഡൗൺ​ നി​യന്ത്രണങ്ങൾ പൂർണമായി​ പാലി​ച്ചുകൊണ്ടുള്ള ചടങ്ങി​ൽ എറണാകുളത്തെ രജി​സ്ട്രേഡ് ഓഫീസി​ൽ ഉച്ചയ്ക്ക് 12ന് ടി​.ജെ.വി​നോദ് എം.എൽ.എ ഉദ്ഘാടനം നി​ർവഹി​ക്കും. കൗൺ​സി​ലർ കൃഷ്ണകുമാർ പങ്കെടുക്കും.

ചടങ്ങി​ൽ ഡാറ്റാ സ്മാർട്ട് ഫെസ്റ്റ് 2018-19 സമ്മാനപദ്ധതി​യുടെ ബംപർ സമ്മാനമായ ഒരു കി​ലോ സ്വർണം വി​ജയി​യായ അവി​ഷ്ണയ്ക്ക് (വടകര) സമ്മാനി​ക്കുമെന്ന് സംസ്ഥാന പ്രസി​ഡന്റ് എസ്.അനി​ൽകുമാറും സെക്രട്ടറി​ പി​.എസ്.പ്രമോദും അറി​യി​ച്ചു.