പറവൂർ: പറവൂർ നിയോജക മണ്ഡലത്തിലെ സർക്കാർ, എയ്ഡഡ് സ്‌കൂളുകളിൽ നടപ്പാക്കിവരുന്ന സദ്ഗമയ സമഗ്ര വിദ്യാഭ്യാസ പദ്ധതിയുടെ ഭാഗമായി ഓൺലൈൻ പഠനസൗകര്യമില്ലാത്ത വിദ്യാർത്ഥികൾക്ക് ടാബുകൾ നൽകി. പുനർജനി പദ്ധതിയിലൂടെ ജോഷ്വാ ജനറേഷൻ മിനിസ്ട്രിസാണ് അമ്പതിലധികം ടാബുകൾ നന്ത്യാട്ടുകുന്നം എസ്.എൻ.വി സംസ്‌കൃതം ഹയർ സെക്കൻഡറി സ്‌കൂൾ, പറവൂർ സമൂഹം ഹൈസ്‌കൂൾ എന്നിടങ്ങളിലെ വിദ്യാർത്ഥികൾക്ക് നൽകിയത്.വി.ഡി. സതീശൻ എം.എൽ.എ വിതരണോദ്ഘാടനം നിർവഹിച്ചു. നഗരസഭ വൈസ് ചെയർപേഴ്‌സൺ ജെസി രാജു അദ്ധ്യക്ഷത വഹിച്ചു. സ്‌കൂൾ മാനേജർമാരായ ഹരി വിജയൻ, ലക്ഷ്മി നാരായണൻ, കൗൺസിലർ സജി നമ്പ്യത്ത്, പ്രിൻസിപ്പൽ വി.പി. ജയശ്രീ, ഹെഡ്മിസ്ട്രസ്മാരായ ബിജു, വസന്തലക്ഷ്മി, ഡി. ബാബു, ഡെന്നി തോമസ്, പി.ടി.എ പ്രസിഡന്റ് വിനോദ് കെടാമംഗലം തുടങ്ങിയവർ പങ്കെടുത്തു.