കൊച്ചി: ജില്ലയിലെ കൊവിഡ് പ്രാഥമിക ചികിത്സാ കേന്ദ്രത്തിൽ (ഫസ്റ്റ് ലൈൻ ട്രീറ്റ്‌മെന്റ് സെന്റർ) സൗജന്യ വൈഫൈയുമായി റിലയൻസ് ജിയോ. ജില്ലയിലെ കൊവിഡ് സ്ഥിരീകരിക്കുന്നവരെ പാർപ്പിക്കുന്നതിനും ചികിത്സിക്കുന്നതിനുമായി സർക്കാർ തലത്തിൽ തയ്യാറാക്കിയിരിക്കുന്ന അങ്കമാലിയിലെ അഡ്‌ലകസ് കൺവെൻഷൻ സെന്ററിലെ പ്രാഥമിക ചികിത്സാ കേന്ദ്രത്തിൽ 200 രോഗികൾക്കുള്ള സൗകര്യങ്ങളാണുള്ളത്. ഐ.എം.എ കൊച്ചി ശാഖയുടെ സഹകണത്തോടെയാണ് മെഡിക്കൽ എയ്ഡ് സജീകരിച്ചിരിക്കുന്നത്. ഹൈ സ്പീഡ് കണക്റ്റിവിറ്റിയാണ് അഡ്‌ലക്‌സിൽ റിലയൻസ് ജിയോ ഒരുക്കിയിരിക്കുന്നത്. കണക്റ്റിവിറ്റിയുടെ ഉദ്ഘാടനം ജിയോ പെരുമ്പാവൂർ ഏരിയഫിനാൻസ് മാനേജർ ഷിബു അലിയാർ, മൊബിലിറ്റി സെയിൽസ് ലീഡ് തൻസീർ, ജിയോപോയിന്റ് കറുകുറ്റി മാനേജർ ശിവരാജ് എന്നിവർ ഐ.എം.എ കൊച്ചി കൊവിഡ് പ്രതിരോധ പ്രവർത്തനങ്ങളുടെ കൺവീനർ ഡോ.എം.ഐ.ജുനൈദ് റഹ്മാൻ, ഡോ. അൻവർ ഹസൻ എന്നിവർക്ക് കൈമാറി നിർവഹിച്ചു. ജിയോ കൊച്ചി ഏരിയ മാനേജർ പ്രശാന്ത്, ജിയോ സെന്റർ മാനേജർ പ്രജോ പീറ്റർ എന്നിവർ മുൻകൈ എടുത്താണ് സൗജന്യ ഹൈ സ്പീഡ് വൈഫൈ പ്രാവർത്തികമാക്കിയത്.