കൊച്ചി: കൊവിഡ് വ്യാപനത്തെ തുടർന്നാണ് എല്ലാ വിദ്യാഭ്യാസ സ്ഥാപനങ്ങളും ഓൺലൈൻ പഠനവഴിയിലേയ്ക്ക് തിരിഞ്ഞത്. സ്‌കൂളുകളിലെ ഓണ്‍ലൈന്‍ പഠനത്തിനായി വിര്‍ച്വല്‍ ക്ലാസ് സംവിധാനവുമായി ടാറ്റ. വിര്‍ച്വല്‍ ക്ലാസ്എഡ്ജിലൂടെ ഏറ്റവും മികച്ച വിര്‍ച്വല്‍ അദ്ധ്യാപനവും പഠനവും ലഭ്യമാകും എന്ന് കമ്പനി അവകാശപ്പെടുന്നു.
ഓണ്‍ലൈന്‍ പഠനം മികവാര്‍ന്നതാക്കുകയാണ് ലക്ഷ്യം. ഏതു സ്‌കൂളുകള്‍ക്കും ടാറ്റ ക്ലാസ് എഡ്ജ് ഉപയോഗിക്കാന്‍ സാധിക്കും. വീഡിയോ കോണ്‍ഫറന്‍സിംഗ് പ്ലാറ്റ്‌ഫോമിലൂടെ അദ്ധ്യാപകര്‍ക്ക് ഓണ്‍ലൈന്‍ ക്ലാസുകള്‍ നടത്തുന്നതിനും ക്ലാസുകള്‍ക്കുശേഷം പോലും ക്ലാസ്എഡ്ജ് ഡിജിറ്റല്‍ കണ്ടന്റ് വിദ്യാര്‍ത്ഥികള്‍ക്ക് ലഭ്യമാക്കുന്നതിനും സാധിക്കും.
വിര്‍ച്വല്‍ അദ്ധ്യാപനരംഗത്ത് അദ്ധ്യാപകരെ സജ്ജമാക്കുന്നതിനായി ഡിജിറ്റല്‍ പരിശീലനവും ഉള്‍പ്പെടുത്തിയിട്ടുണ്ട്. ഏതുസമയത്തും എവിടെനിന്നും കണ്ടന്റ് ലഭ്യമാക്കാം. വിര്‍ച്വല്‍ കണക്ടിനൊപ്പം ഡിജിറ്റല്‍ വൈറ്റ്‌ബോര്‍ഡ്, അറ്റന്‍ഡന്‍സ് രേഖപ്പെടുത്തല്‍, എന്‍ഗേജ്‌മെന്റ് ഇന്‍ഡിക്കേറ്റര്‍, സെഷന്‍ റിക്കോര്‍ഡിംഗ്, ഓണ്‍ലൈന്‍ അസസ്‌മെന്റ്, വ്യക്തിഗതമായ അനുഭവം എന്നിവയും ഇതിലൂടെ ലഭ്യമാകും.