പുത്തൻകുരിശ്: ബുധനാഴ്ച പെയ്ത മഴക്കൊപ്പമുണ്ടായ ശക്തമായ കാ​റ്റിൽ മരം വീണ് ഗതാഗതം തടസപ്പെട്ടു. പുത്തൻകുരിശ് ഗവ. യു.സ്കൂളിൽ നിന്നിരുന്ന വലിയൊരു വട്ടമരമാണ് ഇലക്ട്രി‌ക് ലൈനിലും റോഡിലുമായി മറിഞ്ഞുവീണത്. നാട്ടുകാർ വിവരം അറിയിച്ചതിനെ തുടർന്ന് പട്ടിമ​റ്റത്തുനിന്നും അസി.സ്​റ്റേഷൻ ഓഫീസർ പി.ആർ ലാൽജിയുടെ നേതൃത്വത്തിൽ ഫയർഫോഴ്‌സും, കെ.എസ്.ഇ.ബി ജീവനക്കാരും സ്ഥലത്തെത്തി. തുടർന്ന് ലൈൻ അഴിച്ചുമാ​റ്റിയതിന് ശേഷം ഫയർഫോഴ്‌സ് സംഘം മരം മുറിച്ചു. ഒരു മണിക്കൂറോളം സമയമെടുത്താണ് രക്ഷാപ്രവർത്തനം പൂർത്തിയാക്കിയത്. എം.ജി ബിജു, എൽദോസ് മാത്യു, എസ്.എസ് നിതിൻ,വിഷ്ണു.എസ്, എ.പി അമൽ പ്രഭ, ഉമേഷ് പി.എസ് എന്നിവരായിരുന്നു സംഘത്തിലുണ്ടായിരുന്നത്.