മൂവാറ്റുപുഴ: ഓലിപ്പാറയിൽ നിർമിച്ച ഓലിപ്പാറ കുടിവെള്ള പദ്ധതിയുടെ ഉദ്ഘാടനം എൽദോ എബ്രഹാം എം.എൽ.എ നിർവഹിച്ചു. നഗരസഭ ചെയർപേഴ്‌സൺ ഉഷ ശശീധരൻ അദ്ധ്യക്ഷത വഹിച്ചു. വൈസ് ചെയർമാൻ പി.കെ.ബാബുരാജ് സ്വാഗതം പറഞ്ഞു. നഗരസഭ സ്റ്റാൻഡിംഗ് കമ്മിറ്റി ചെയർപേഴ്‌സൺ രാജി ദിലീപ്, സി.എം.സീതി, കൗൺസിലർമാരായ മേരി ജോർജ് തോട്ടം, പി.പ്രേംചന്ദ്, ഷാലിന ബഷീർ, ബിന്ദു സുരേഷ്‌കുമാർ, പി.എസ്.വിജയകുമാർ, മുൻനഗരസഭ വൈസ്‌ചെയർമാൻ ആനീസ് ബാബുരാജ്, മുൻകൗൺസിലർ കെ.എം.ദിലീപ്, സി.പി.ഐ ലോക്കൽ സെക്രട്ടറി വി.കെ.മണി, സി.പി.എം ബ്രാഞ്ച് സെക്രട്ടറി പി.കെ.നവാസ്, സി.പി.ഐ ബ്രാഞ്ച് സെക്രട്ടറി കെ.പി.അലികുഞ്ഞ്, കുടിവെള്ള പദ്ധതി ഗുണഭോകൃത സമിതി കൺവീനർ പി.കെ.അനിൽ, ജോയിന്റ് കൺവീനർ ടി.കെ.സജി എന്നിവർ പങ്കെടുത്തു.

#ചെലവ് 13.53 ലക്ഷം

മൂവാറ്റുപുഴ നഗരസഭ ഒന്നാം വാർഡിൽ ഓലിപ്പാറ കുടിവെള്ള പദ്ധതിയ്ക്ക് എൽദോ എബ്രഹാം എം.എൽ.എയുടെ ആസ്തി വികസന ഫണ്ടിൽ നിന്നും അനുവദിച്ച 9.25 ലക്ഷം രൂപയും മൂവാറ്റുപുഴ നഗരസഭയിൽ നിന്നും അനുവദിച്ച 4.28 ലക്ഷം രൂപയുമടക്കം 13.53 ലക്ഷം രൂപ മുതൽ മുടക്കിയാണ് കുടിവെള്ള പദ്ധതിയുടെ നിർമ്മാണം പൂർത്തിയാക്കിയത്.

#കുടിവെള്ളക്ഷാമത്തിന് പരിഹാരമായി

മൂന്നുകണ്ടം പാടശേഖരത്തിന് സമീപം നീരോത്ത് മറ്റത്തിൽ ജോയി സൗജന്യമായി നൽകിയ സ്ഥലത്ത് സ്ഥാപിച്ച കിണറിൽ നിന്നും വെള്ളം പമ്പ് ചെയ്ത് ഓലിപ്പാറയിൽ സ്ഥാപിച്ചിരിക്കുന്ന ടാങ്കിലെത്തിച്ച് കുടിവെള്ളം വിതരണം ചെയ്യുന്നതാണ് പദ്ധതി. കുടിവെള്ള പദ്ധതിയുടെ പൈപ്പ് ലൈൻ വലിക്കുന്നതിനാവശ്യമായ സ്ഥലം സൗജന്യമായി നീരോത്ത് മറ്റത്തിൽ ജോയിയാണ് നൽകിയത്. മഴക്കാലത്തും കുടിവെള്ളമില്ലാതെ ദുരിതമനുഭവിക്കുന്ന ഓലിപ്പാറയിലെ 30 കുടിംബങ്ങൾക്ക് കുടിവെള്ളമെത്തുന്ന പദ്ധതി നടപ്പിലായതോടെ കുടിവെള്ളക്ഷാമത്തിന് പരിഹാരമായതായി വാർഡ് കൗൺസിലർ കൂടിയായ നഗരസഭ വൈസ്‌ചെയർമാൻ പി.കെ.ബാബുരാജ് പറഞ്ഞു.