മൂവാറ്റുപുഴ: കാമുകിയുടെ സഹോദരന്റെ ആക്രമണത്തിൽ പരിക്കേറ്റ ദളിത് യുവാവിനു പട്ടികജാതി പട്ടികവർഗ വകുപ്പിൽ നിന്ന് ഒരു ലക്ഷം രൂപ ആശ്വാസ ധനസഹായം അനുവദിച്ചു. പട്ടികജാതി പട്ടികവർഗ അതിക്രമം തടയൽ നിയമം പ്രകാരം കേസെടുത്തതിനെ തുടർന്നാണി​ത്.

സഹോദരിയുമായുള്ള പ്രണയത്തിൽ നിന്നു പിന്മാറാൻ സഹോദരനായ കറുകടം സ്വദേശി ബേസിൽ എൽദോസ് ആണ്
നടുറോഡിൽ പണ്ടരിമല തടിലക്കുടിപ്പാറയിൽ അഖിൽ ശിവനെ(19) വെട്ടി​ വീഴ്ത്തി​യത്.

തലയ്ക്കും കൈക്കും വെട്ടേറ്റ അഖിൽ ദിവസങ്ങൾ നീണ്ട ചികിത്സയ്ക്കൊടുവിലാണ് അപകടനില തരണം ചെയ്തത്. കാലതാമസം കൂടാതെ കുറ്റപത്രം സമർപ്പിക്കാൻ പൊലീസിനു പട്ടികജാതി വികസന വകുപ്പ് നിർദേശം നൽകിയിട്ടുണ്ട്.