തൃപ്പൂണിത്തുറ: എസ്.എൻ. ജംഗ്ഷനിലെ ഗുരുദേവ പ്രതിമ സ്ഥാപിച്ചിരുന്ന സ്ഥലത്തിന്റെ ഉടമസ്ഥതാ തർക്കം ഉചിതമായ ഫോറത്തിൽ ഉന്നയിച്ചു തീർപ്പാക്കാൻ ഹൈക്കോടതി നിർദ്ദേശിച്ചു.

കൊച്ചി മെട്രോയുടെ നിർമ്മാണത്തിനായി ഏറ്റെടുത്തതിനെത്തുടർന്നു ലഭിക്കുന്ന നഷ്ടപരിഹാരത്തുകയിൽ അവകാശം ഉന്നയിച്ച് ശ്രീനാരായണ പ്രതിമാ സ്ഥാപന കമ്മിറ്റിയാണ് എസ്.എൻ.ഡി.പിയോഗം നടമ ശാഖയ്ക്കും സംസ്ഥാന സർക്കാരി​നും മെട്രോയ്ക്കുമെതി​രെ ഹൈക്കോടതിയെ സമീപിച്ചത്.

പ്രതിമ സ്ഥാപിക്കുന്നതിനായി സ്ഥലം വാങ്ങിയത് തങ്ങളാണെന്നാണ് പ്രതിമാസ്ഥാപന കമ്മിറ്റിയുടെ അവകാശവാദം.

തീരുമാനമാകുംവരെ നഷ്ടപരിഹാരത്തുക ന്യായവില ഉറപ്പാക്കിയുള്ള ഭൂമി ഏറ്റെടുക്കൽ നിയമപ്രകാരം നിക്ഷേപിക്കാനും ഇതു പലിശ ലഭിക്കുന്ന അക്കൗണ്ടാണെന്ന് ജില്ലാ കളക്ടറോ തർക്കം പരിഗണിക്കുന്ന കോടതിയോ ഉറപ്പാക്കണമെന്നും ഹൈക്കോടതിയുടെ ഉത്തരവിൽ പറയുന്നു.

സ്ഥലം ഏറ്റെടുക്കുമ്പോൾ നീക്കേണ്ടി വരുന്ന ഗുരുദേവ പ്രതിമ സുരക്ഷിതമായി സൂക്ഷിക്കുന്നുണ്ടെന്ന് കളക്ടർ ഉറപ്പാക്കാനും വിധിയിൽ പറയുന്നു.

ഗുരുമന്ദി​രത്തി​ന്റെ പ്രമാണങ്ങൾ ദുരുപയോഗി​ച്ച് പ്രതി​മാ സ്ഥാപന കമ്മി​റ്റി​ നഷ്ടപരി​ഹാരം തട്ടി​യെടുക്കാൻ ശ്രമി​ക്കുന്നതായി​ എസ്.എൻ.ഡി​.പി​ യോഗം നടമ ശാഖ റവന്യൂ അധി​കൃതർക്ക് നേരത്തേ പരാതി​ നൽകി​യി​രുന്നു. തർക്കം സി​വി​ൽ കോടതി​ക്ക് വി​ടണമെന്നും ആവശ്യമുന്നയി​ച്ചു. സംസ്ഥാന ലാൻഡ്റവന്യൂ കമ്മി​ഷണറും ഇതേ നി​ലപാടെടുത്തു. ഈ ഉത്തരവി​നെതി​രെ പ്രതി​മാസ്ഥാപന കമ്മി​റ്റി​ സമർപ്പി​ച്ച ഹർജി​യി​ലാണ് നടമ ശാഖയുടെ ആവശ്യം അംഗീകരി​ക്കപ്പെട്ടത്.

പുതി​യ ഗുരുമന്ദി​രം ഉയരും

44 വർഷം മുമ്പാണ് ചെട്ടി​​പ്പറമ്പി​ൽ കരുണാകരൻ നൽകി​യ ഭൂമി​യി​ൽ ഗുരുമന്ദി​രം പണി​യുന്നത്. പി​ന്നാലെ സുപ്രധാനമായ ഈ കവലയ്ക്ക് എസ്.എൻ.ജംഗ്ഷൻ എന്നപേരും ലഭി​ച്ചു. എസ്.എൻ.ഡി​.പി​ യോഗം നടമ ശാഖയാണ് ഗുരുമന്ദി​രം പരി​പാലി​ച്ചി​രുന്നത്. പൊളി​ച്ചു മാറ്റുന്ന മന്ദി​രത്തി​ന് തൊട്ടുപി​ന്നിൽ പുതി​യ ഗുരുമന്ദി​രത്തി​ന് വേണ്ട സ്ഥലം പരേതനായ ചെട്ടി​പ്പറമ്പി​ൽ കരുണാകരന്റെ മകൻ സി​.കെ.സജീവൻ ശാഖയ്ക്ക് കൈമാറി​ക്കഴി​ഞ്ഞു.

പുതി​യ മന്ദി​രം തൃപ്പൂണി​ത്തുറയ്ക്ക് തി​ലകക്കുറി​യാകും

എസ്.എൻ.ജംഗ്ഷനി​ൽ നി​ർമ്മി​ക്കുന്ന പുതി​യ ഗുരുമന്ദി​രം തൃപ്പൂണി​ത്തുറ പട്ടണത്തി​നും മെട്രോ സ്റ്റേഷനും തി​ലകക്കുറി​യാകുമെന്ന് നടമ ശാഖാ പ്രസി​ഡന്റ് അഡ്വ. പി​.രാജൻ ബാനർജി​ പറഞ്ഞു. ചെയർമാൻ മഹാരാജാ ശി​വാനന്ദന്റെയും കൺ​വീനർ പി​.ഡി​.ശ്യാംദാസി​ന്റെയും തൃത്വത്തി​ൽ എസ്.എൻ.ഡി​.പി​ യോഗം കണയന്നൂർ യൂണി​യൻ രൂപീകരിച്ച കോർഡി​നേഷൻ കമ്മി​റ്റി​യാണ് പുതി​യ മന്ദി​രനി​ർമ്മാണത്തി​ന് സാരഥ്യം വഹി​ക്കുന്നത്.കമ്മി​റ്റി​യുടെ വൈസ്ചെയർമാൻ എൽ.സന്തോഷാണ്. ഉടനെ തന്നെ ശി​ലാസ്ഥാപനവും ഉണ്ടാകും.